BMTU va TAQU hamkorlik uchrashuvi bo'lib o'tdi

30-oktabr kuni Belarus Milliy texnika universitetida Toshkent arxitektura-qurilish universitetidan tashrif buyurgan  delegatsiyasi a'zolari bilan uchrashuv bo’lib o’tdi. Uchrashuvda  rektor maslahatchisi Asqarov Baxtiyor, Qurilish materiallari va konstruksiyalari texnologiyasi kafedrasi professori Xusniddin Akramov,  Qurilish va atrof-muhitni muhofaza qilish kafedrasi mudiri Sulton Ahmedov, Oliy ilmiy fan maktab rahbari Azamat Metyakubovlar ishtirok etdilar. Muzokaralar davomida tomonlar qo’shma ilmiy loyihalarni amalga oshirish, akademik almashinuv, ikki universitet professor-o’qituvchilari va talabalari uchun amaliyot va yozgi maktablar tashkil etish masalalari muhokama qilindi.