O'zbekiston-Yaponiya Markazining 2024-yil 3-oktabrdagi 160-sonli xatiga muvofiq, O'zbekiston-Yaponiya Markazi tomonidan 2024-yil 5-noyabr kuni Toshkent shahridagi Xalqaro biznes markazida "Japan Education Fair 2024'' ta'lim ko'razmasi o'tkazilishi rejalashtirilmoqda.

O’zbekiston-Yaponiya Markazining 2024-yil 3-oktabrdagi 160-sonli xatiga muvofiq, O’zbekiston-Yaponiya Markazi tomonidan 2024-yil 5-noyabr kuni Toshkent shahridagi Xalqaro biznes markazida “Japan Education Fair 2024” ta’lim ko’rgazmasi o’tkazilishi rejalashtirilmoqda. Ko‘rgazma o‘tkazilishidan maqsad – o’zbekistonlik o’quvchi va talabalarni Yaponiya universitetlarida ta’lim olish imkoniyatlari, xususan Yaponiya universitetlarining o’qish tartibi, ta’lim yo’nalishlari va mutaxassisliklari, o’qish muddatlari va shart-sharoitlari bilan tanishtirish, shuningdek, talabalar va akademik almashinuv sohasida universitetlararo hamkorlikni rivojlantirish. Ko’rgazma davomida Yaponiyaning turli universitetlari bo’yicha taqdimot materiallari ham namoyish etiladi. Ushbu ko’rgazmaga Yaponiyaning Keio, Tsukuba, Toyo, Nagoya, Tokio, Nagoya iqtisodiyot, Hokkaydo Bunkyo universtetlari, Kioto ilg’or fanlar universiteti (KUAS), Kioto informatika yo’nalishida magistrlik yo’nalishi bo’yicha ta’lim universiteti (KCGI), Ritsumeikan Osiyo-Tinch okeani universiteti (APU), Yaponiya raqamli universiteti (JDU) taklif etilgan. Yuqoridagilardan kelib chiqib, o’quvchilar, talabalar, magistrantlar, doktorantlar, ilmiy xodimlar hamda oliy ta’lim muassasalari, filiallar va akademik litseylarning tegishli kafedra va bo’limlari, yosh o’qituvchilar va xodimlarining ko’rgazmada ishtirok etishlari mumkin.