Toshkent arxitektura-qurilish universiteti O‘zbekiston Respublikasi Oliy ta’lim, fan va innovatsiyalar vazirligi tarkibida. Toshkent arxitektura-qurilish universiteti xuzurida 1 ta akademik litsey, 5 ta texnikum (Olmaliq arxitektura-qurilish texnikumi, Jizzax arxitektura-qurilish texnikumi, Namangan arxitektura-qurilish texnikumi, Marg‘ilon arxitektura-qurilish texnikumi va Sirdaryo arxitektura-qurilish texnikumi) va 2 ta malaka oshirish markazlari (Kasbiy faoliyatni rivojlantirish markazi va Pedagog kadrlarni qayta tayyorlash va ularni malakasini oshirish tarmoq markazi) mavjud. Hozirgi kunda qurilish sohasidagi talab va ehtiyojlardan kelib chiqib, Toshkent arxitektura-qurilish universitetida (TAQU) 22 ta bakalavriat ta’lim yo‘nalishlari va 23 ta magistratura mutaxassisliklari bo‘yicha kadrlar tayyorlash yo‘lga qo‘yilgan.

Toshkent arxitektura-qurilish universitetida 2022/2023 o‘quv yili qabuli jarayonida bakalavriat ta’lim yo‘nalishlariga jami 2081 nafar talaba o‘qishga qabul qilingan. Ulardan 1199 nafari kunduzgi, 389 nafari sirtqi, 152 nafari masofaviy ta’lim shakllari, 175 nafari ikkinchi va undan keyingi oliy ta’lim uchun hamda 176 nafari texnikum bitiruvchilari hisoblanadi. Shuningdek, magsitratura mutaxassisliklari uchun 81 nafar abituriyentlar talabalikka qabul qilingan.

Ish beruvchilarning ehtiyojlarini inobatga olgan holda, 2023/2024 o‘quv yilidan boshlab Universitetda 17 ta bakalavriat ta’lim yo‘nalishlari va 19 ta magistratura mutaxassisliklarida talabalar ta’lim olishlari yщlga щyiladi.

Toshkent arxitektura-qurilish universitetida 2023/2024 o‘quv yili uchun jami 3646 ta qabul kvota o‘rinlari ajratilgan bo‘lib, jumladan: bakalavriat ta’lim yo‘nalishlari uchun 3300 ta va magistratura mutaxassisliklari uchun 346 ta o‘rin ajratilgan. Bakalavriat bosqichi uchun ajratilgan 3300 ta o‘rindan 940 tasi kunduzgi, 350 tasi sirtqi, 1050 tasi kechki, 490 ta ikkinchi va undan keyingi oliy ta’limning kunduzgi hamda 245 ta ikkinchi va undan keyingi oliy ta’limning sirtqi shakllari uchun qabul parametrlari ajratildi. Shuningdek, Qurolli kuchlar safida muddatli harbiy xizmatni o‘tab, harbiy qism qo‘mondonligining tavsiyanomalari uchun 47 ta, 5 yil stajga ega xotin-qizlar uchun 5 ta, “Mehribonlik uyi” va “Bolalar shaharchasi”ning bitiruvchilari uchun 24 ta hamda “Nogironligi bo‘lgan shaxslar” uchun 47 ta o‘rin ajratilgan.

Universitetda 2020-2021 o‘quv yilidan 6 ta xorijiy oliy ta’lim muassasalari (Rossiya Federatsiyasining Moskva arxitektura instituti, Moskva davlat qurilish unversiteti, Qozon davlat arxitektura-qurilish instiuti, Belarus milliy texnika universiteti, Germaniyaning Anhalt amaliy fanlar universiteti va Polsha Respublikasining Belostok texnika universiteti) bilan qo‘shma dasturlar asosida bakalavriat ta’lim yo‘nalishlari va magistratura mutaxassisliklari bo‘yicha talabalar ta’lim olmoqda. 2022 yilda e’lon qilingan oliy ta’lim muassasalari o‘rtasidagi milliy reytingda TAQU 24-o‘rinni (2021 yil-27 o‘rin,  2020 yil-15 o‘rin, 2019 yil -22 o‘rin, 2018 yil - 43 o‘rin) egalladi.

2022/2023 o‘quv yili bo‘yicha TAQUda asosiy shtatda 323 nafar pedagog xodimlar mavjud bo‘lib, shundan fan doktorlari va professorlar 18 nafar, fan nomzodlari va dotsentlar 96  nafarni tashkil etadi. Hozirgi kunda Universitetda jami 7726 nafar talaba o‘qimoqda; Sohaning rivojlanish istiqbollari va ularda qo‘llanilayotgan innovatsion texnologiyalar asosida ta’lim muassasalarida bitiruv malakaviy ishlari (diplom loyihalari), magistrlik dissertatsiya mavzulari, malakaviy amaliyot dasturlari, kurs ish(loyiha)lari va mustaqil ta’lim topshiriqlari tubdan yangilandi. Ilg‘or texnologiyalardan foydalangan holda

Toshkent arxitektura-qurilish universitetida o‘quv ishlar sohasida amalga oshirilgan ishlar tahlili shuni ko‘rsatadiki, professor-o‘qituvchilar tomonidan 2019 yilda 34 ta darslik, 63 ta o‘quv qo‘llanma, 2020 yilda 25 ta darslik, 43 ta o‘quv qo‘llanma, 2021 yilda 50 ta darslik, 60 ta o‘quv qo‘llanma hamda 2022 yil natijalariga ko‘ra 39 ta darslik, 55 ta o‘quv qo‘llanma tayyorlangan.

2021/2022 va 2022/2023 o‘quv yillarida 280 ga yaqin turli mulk shaklidagi loyiha va qurilish tashkilotlar ehtiyojiga muvofiq universitet talabalari malakaviy amaliyotlarga taqsimlandi hamda kelgusida ularning ishga joylashishi masalasida kelishuvga erishildi.