Yurtimizda boshlangan ilmiy izlanishlar Shveysariyada davom etmoqda

Xabar berganimizdek, Toshkent arxitektura-qurilish universitetida Shveysariyaning Shveysariya-Italiya universiteti bilan hamkorlikda mamlakatimizda o‘tgan asrda qurilgan ijtimoiy turar joylarni xavfsiz hamda yashash uchun qulay tarzda renovatsiya qilish bo‘yicha ilmiy izlanishlar olib borishmoqda. Loyiha Buyuk Ipak yo‘li o‘tgan shaharlar – Samarqand va Buxorodagi 10 ta obyektda o‘rganishlar olib bordi. O`zbekistonda boshlangan loyiha ishlari ayni kunlarda Shveysariyada davom ettirilmoqda. Yakuniy taqdimot ham aynan Shveysariya o‘tkaziladi va o‘rganilgan bino-inshootlarni renovatsiya qilishni zamonaviy yechimlari taklif etiladi. Eslatib o`tamiz, vorkshopda Shveysariya-Italiya universitetining 2 nafar professor o‘qituvchisi va 8 nafar talabalari, Toshkent arxitektura-qurilish universitetining Arxitektura fakulteti o‘qituvchilari - Azamat Hasanov va Baxodir Matchonov, shuningdek 5 nafar talabalari ishtirok etmoqda.