Xizmat safari

    O‘zbekiston Respublikasi Oliy ta’lim, fan va innovatsiyalar vazirligining   2023-yil 7-oktyabrdagi 2/12-4/4-8029-sonli xati va Toshkent arxitektura-qurilish universitetining 2023-yil 7-oktyabrdagi “Xorijiy xizmat safarga yuborish to‘g‘risida”gi 285-sonli buyrug‘iga asosan Turkiyaning Yildiz Texnika va Marmara universitetlari o’rtasidagi akademik faoliyat, xalqaro grantlar, qo’shma ta’limni ochish, ilmiy-tadqiqotlarni o’zaro ikki tomonlama rivojlantirishda muzokaralarni olib borish va tegishli hujjatlarni rasmiylashtirish ishlarini tezlashtirish maqsadida 2023-yil 30-sentyabrdan 7-oktyabrgacha bo‘lgan muddatda Toshkent arxitektura qurilish universiteti (TAQU) rektorini Turkiya davlatiga tashrif amalga oshirildi.

Hozirgi kunda Toshkent arxitektura qurilish universiteti (TAQU)da ta’lim jarayonlarini xalqaro standartlar asosida tashkil etish bo’yicha Istanbul Texnika Universiteti,Yildiz texnika universiteti, Marmara universiteti hamda Sarayevo xalqaro universiteti (Kuzatuv Kengashi raisi bilan) o’zaro hamkorlik ishlarini keng ko’lamda rivojlantirish ishlari amalga oshirilmoqda.

Xorijiy safar dasturining maqsadi:

Turkiyaning Istanbul Texnika Universiteti, Yildiz Texnika va Marmara universitetlari o’rtasidagi akademik faoliyat, xalqaro grantlar, qo’shma ta’limni ochish, ilmiy-tadqiqotlarni o’zaro ikki tomonlama rivojlantirishda muzokaralarni olib borishdan iborat.

2023-yil 30-sentabr (shanba): Toshkent-Istanbul reysi

2023-yil 2-oktabr kuni (dushanba): Istanbul Texnika Universiteti Axborot texnologiyalar (IT) bo'limidan Toshkent arxitektura qurilish universiteti  (TAQU)ga mutaxassislarni jalb qilish bo'yicha muzokaralar olib borildi. Ayni vaqtda Bog‘ozichi universiteti axborot texnologiyalari bo‘limi boshlig‘i Faruk Yakaryilmaz bilan ko’rishildi.

Prof. Dr. Serhat Sheker (Istanbul Texnika Universiteti Elektrotexnika va elektronika fakulteti sobiq dekani) bilan TAQUda Kompyuter va elektrotexnika bo‘limlarini tashkil etish masalasi muhokama qilindi.

2023-yil 3-oktabr kuni (seshanba): bosh maslahatchi prof. Dr. Mehmet Karaja va Vizyon Real Estate kompaniyasi boshlig’i Veysel Chapa bilan Taksimdagi ofisida uchrashuv bo'lib o'tdi. Ushbu kompaniya TAQU bilan hamkorlikda O'zbekistonda biznes yuritish va sarmoya kiritishga rag'batlantirildi. Shuningdek, TAQU talabalarini qurilish maydonchalarida 1 oylik amaliyot o’tashi taklif  sifatida kiritildi. Mehnat  xavfsizligi shartlari bajarilsa, 5 nafar talabaga rozilik bildirildi.

    

    Istanbul Texnika Universiteti  Arxitektura fakulteti Arxitektura kafedrasi mudiri prof. Dr. Yuksel Demir bilan uchrashuv bo'lib o'tdi. Viza va ruxsat olish jarayonlari tugallangandan so'ng TAQU Arxitektura fakulteti dekani bo'lishi munosabati bilan, universitetimizda amalga oshiriladigan ishlar haqida batafsil ma'lumotlar muhokama qilindi. Ayniqsa,O’zbekiston Respublikasi Prezidentining 2022-yil 8-noyabrdagi  “Arxitektura-qurilish sohasida kadrlar tayyorlash tizimini yanada takomillashtirish chora tadbirlari to’g’risidagi” PQ-416 qarorga muvofiq 5-6 o’qituvchilarni Istanbul Texnika Universiteti Arxitektura bo‘limiga xorijda o‘qituvchilar malakasini oshirish uchun yuborishga qaror qilindi. Prof. Dr. Yuksel Demir ixtiyoriy ravishda TAQU guruhining kordinatori sifatida xizmat qiladi.

2023-yil 4-oktabr (chorshanba): bosh maslahatchi prof. Dr. Mehmet Karaja bilan birgalikda Marmara universiteti (MU) rektori Prof. Dr. Mustafo Kurt bilan uchrashuv o’tkazildi. Hamkorligimizni yanada aniqlashtirish zarurligi taʼkidlandi. Hurmatli prof. Mustafo  Kurtni Toshkentga taklif qilindi.

    

    Bundan so’ng, Marmara Universiteti Bosh kotibi Dr. Murat Arisal bilan uchrashuv bo'lib o'tdi. Marmara Universitetiga Toshkentda sog'liqni saqlash sohasida filial ochishni tavsiya qilindi. Kunning ikkinchi yarmida ikki prorektor prof. Dr. Hasan Korkut va prof. Dr. O'mer Akgiray bilan o'zaro uchrashuvlar o'tkazildi, TAQUning yangi modeli tanishtirildi va hamkorlikda amalga oshiriladigan  ishlar muhokama qilindi. Ayniqsa, Iqtisodiyot  (Ekonomika) va Menejment bo‘limlarida hamkorlik faoliyatini olib borish muhimligi ta’kidlandi.

2023-yil 5-oktabr (payshanba): Bosh maslahatchi prof. Dr. Mehmet Karaja va Yildiz Texnik Universiteti (YTU) rektori Prof. Dr. Tamer Yilmaz ziyorat qilindi. Hamkorligimizni yanada rivojlantirish  zarurligi taʼkidlandi. Biz imkon qadar tezroq yarim  stavka  o'qituvchi shtatalarini almashtirishga qaror qildik.

Ilmiy ishlar bo‘yicha prorektor prof. Dr. Bestami Özkaya bilan ofisda uchrashuv bo'lib o'tdi. Aniq mavzular bo‘yicha TAQU va Yildiz texnika universiteti  instruktorlaridan 1-3 kishidan iborat qo‘shma ishchi guruhlar tashkil etish hamda dissertatsiyalarni boshqarish, nashr etish va ilmiy loyihalarni birgalikda amalga oshirish rejalashtirilgan edi. Shuningdek, bir nafar TAQU professorini YTU Scopus jurnallari tahririyati tarkibiga kiritish to‘g‘risida qaror qabul qilindi. TAQU o‘qituvchilarining nashrlarini Yildiz texnika universiteti  jurnallarida chop etish taklif qilindi.

2023-yil 6-oktabr (juma): Bosh maslahatchi prof. Dr. Mehmet Karaja bilan Akdağlar Madencilik ve İnşaat Anonim  Kompaniyasiga tashrif buyurdi. Juda katta biznes hajmi va faoliyat sohasiga ega bo'lgan ushbu kompaniyaning bosh direktori janob Yekta Ture bilan hamkorlik bo'yicha muzokaralar olib borildi. U kompaniyaning barcha faoliyati bilan tanishtirdi va TAQU talabalarini amaliyotga qabul qilishlarini bildirdi. Bu bizning talabalarimiz uchun ajoyib imkoniyat bo'ladi, chunki bu kompaniya, ayniqsa, asfalt-beton qurilishi va beton qorishmasi sohasida yetakchi kompaniya hisoblanadi.

Sarayevo xalqaro universiteti vasiylik kengashi raisi bilan aloqa o‘rnatildi, biroq uchrashuv o‘tkazilmadi. Sarayevo xalqaro universiteti jamoasi Toshkentga taklif qilindi.

2023-yil 7-oktabr kuni (shanba): BEMA Inshoot anonim kompaniyasi egasi Halil Durna bilan uchrashuv o’tkazildi. Ushbu kompaniya TAQU bilan hamkorlikda O'zbekistonda biznes yuritish va sarmoya kiritishga rag'batlantirildi. Shuningdek, TAQU talabalarini qurilish maydonchalarida 1 oylik amaliyotga qabul qilishlari taklifi  kiritildi.

Istanbul Texnika Universiteti  Arxitektura fakulteti Arxitektura kafedrasi mudiri prof. Dr. Yuksel Demir bilan yana bir uchrashuv bo'lib o'tdi. Toshkent arxitektura qurilish universitetida amalga oshiriladigan yangiliklar muhokama qilindi. Bosh maslahatchi prof. Dr. Mehmet Karaja va sobiq  dekan Prof. Dr. Murat Gul bilan uchrashuv bo'lib o'tdi va uning jamoasi TAQU o'qituvchilari bilan hamkorlikda ishlashga taklif qilindi.