Kamoliddin Behzod nomidagi davlat stipendiyasi g‘oliblari aniqlandi

O‘zbekiston Respublikasi Vazirlar Mahkamasining  “Kamoliddin Behzod nomidagi Davlat stipendiyasini taʼsis etish to‘g‘risida” qaroriga muvofiq, O‘zbekiston Badiiy akademiyasi Ekspert guruhi tomonidan joriy yilning 20-25 iyul kunlari soha bo‘yicha davlat oliy taʼlim muassasalarining jami 32 nafar talabgorlar yig‘ma jildlari hamda davlat stipendiyasini tayinlash haqidagi tavsiyanomalar ko‘rib chiqildi.

“Kamoliddin Behzod nomidagi Davlat stipendiyasi”ni tayinlash bo‘yicha o‘tkazilgan tanlovda Ekspert guruhining tegishli qarori bilan 7 nafar iqtidorli va ijodkor talabalar tegishli tanlov yo‘nalishlari bo‘yicha g‘olib deb topildi. Quvonarlisi, Toshkent arxitektura-qurilish universiteti, Arxitektura fakultetining 3- kurs talabasi Xatamova Ozoda Olimovna Dizayn (turlari bo‘yicha) tanlov yo‘nalishida g‘oliblikni qo‘lga kiritdi. Ozoda Xatamovani ushbu yutuq bilan universitet jamoasi nomidan qutlaymiz va muvaffaqiyatlar bardavom bo‘lishini tilab qolamiz.