Toshkent arxitektura-qurilish universiteti korrupsiyaga qarshi kurashish bo'limi yoshlar o'rtasida korrupsiyaga nisbatan murosasiz madaniyatni shakllantirish maqsadida pedagog xodimlari va talabalari o'rtasida keng qamrovli tushuntirish ishlarni olib bordi

Unda Toshkent davlat yuridik universiteti Jinoyat huquqi, kriminologiya va korrupsiyaga qarshi kurashish kafedrasi professori, yuridik fanlari dotsenti S.Niyazova va yuridik fanlari dotsenti  O.Toshev hamda Universitet Korrupsiyaga qarshi kurashish “Komplayens-nazorat” tizimini boshqarish boʻlimi boshligʻi M.Isakdjanov ishtirokida davra suhbati oʻtkazildi.

Tadbir boshida professor S.Niyazova soʻzga chiqib, mamlakatimizda korrupsiyaga qarshi kurashishda amalga oshirilayotgan keng koʻlamli islohotlar haqida gapirar ekan, keyingi yillarda korrupsiyaning oldini olish va unga qarshi kurashishning huquqiy va institutsional asoslari takomillashtirilib, jamiyatda korrupsiya illatiga nisbatan murosasiz muhitni shakllantirishga qaratilgan tizimli islohotlar amalga oshirilayotgani haqda soʻz yuritdi

Tadbir davomida  O.Toshev korrupsiya huquqbuzarlik uchun qonunchilikda belgilang jazolar toʻgʻrisida fikr yuritib qoʻydagilarni bildirdi. Xususan, korrupsiya jinoyatlari 210-modda (Pora olish), 211-modda. (Pora berish) va 212-modda (Pora olish-berishda vositachilik qilish) bilan jazolanishi haqida gapirib oʻtildi.

Tadbir soʻngida talabalarni qiziqtirgan savollarga javoblar berildi.