"RIVEZOR_UZB" Telegram kanaldagi maqola yuzasidan rasmiy munosabat

Joriy yil 2-oktyabr sanasida https://t.me/revizor_uzb  Telegram kanalida eʼlon qilingan xabarga javoban Toshkent arxitektura universiteti axborot xizmati  quyidagilar maʼlum qiladi.

Toshkent arxitektura-qurilish universiteti rektori v.v.b. Tulaganov Baxrom Abdukabilovich 2016-yilda tashkil etilgan “B-TEC” MChJning 100 foizlik ulushiga egalik qiladi. Shuni taʼkidlash lozimki, “Qamchiqavtoyoʻl” ixtisoslashtirilgan yoʻllardan foydalanish DM balansidagi avtotransport vositalari KDM merkatorlarga kerakli boʻlgan rezina pichoqlar yetkazib berish yuzasidan oʻtkazilgan tanlov bevosita Toshkent arxitektura-qurilish universitetining faoliyatiga aloqasi mavjud emas. Yaʼni ushbu tanlov natijasida manfaatlar toʻqnashuvi yuzaga kelmagan. Shuningdek, B. Tulaganov Universitetning Strategik rivojlantirish boʻyicha birinchi prorektori lavozimiga tayinlangandan soʻng “B-TEC” MChJning barcha lavozimlaridan boʻshagan.

Shuningdek, Oʻzbekiston Respublikasi Prezidentining 17.04.2024 yildagi PQ-161-son qarori boʻyicha belgilangan topshiriqlar ijrosini bajarish maqsadida “INTRABAU” MChJ geotexnika vazifasini bajarish uchun ochilgan boʻlib, vazifalar bajarilgandan soʻng MChJ oʻzi faoliyatini tugatadi.

Shu bilan birga, “SpinOff” korxonasi sifatida «Aqlli va barqaror shaharlar markazi» MChJ esa 2023-yil sentabr oyida Oʻzbekiston Respublikasi Prezidentining 08.11.2022 yildagi PQ-416-son qarori bilan sobiq rektor E.Kahya davrida ish boshlagan va bugungi kunda ushbu MChJni yopish yuzasidan tegishli ariza kiritilgan.

Toshkent arxitektura-qurilish universiteti bugungi kunda Oʻzbekistoning yetakchi universitetlar qatoriga kirganligi sababli oʻzining yangi “TAQU PRO”, “TAQU LAB”, “TAQU AI” loyihalarini ham ilgʻor surmoqda

Universitetda bajarilayotgan ijobiy ishlarni va yutuqlari koʻra olmaydigan ayrim kimsalar ijtimoiy tarmoqlar orqali turli yolgʻon maʼlumotlar tarqatishlari mumkin. Eslatib oʻtamiz Oʻzbekiston Respublikasining qonunchiligida yolgʻon maʼlumot tarqatish yuzasidan jazo choralari belgilangan.

Universitetga tegishli boʻlgan ishonchli va aniq maʼlumotlarni faqatgina universitetning rasmiy web sayti  https://taqu.uz/ va telegram https://t.me/taqu_official_uz   kanalidan olishingiz mumkin