Bugun, barchamiz uchun eng aziz, eng qadrli bo’lgan bayramlardan biri ustoz va murabbiylar kunidir.

Hurmatli ustozlar, aziz do’stlar Xalqimizda ilm o’rganmoq igna bilan quduq qazishga qiyoslanadi. Kezi kelsa, hayot va borliq mohiyati, sir-asrorlariga bo’ying barobar kitoblarni o’qib ham yetish mushkul. Biroq ilm o’rgatmoq zahmati undan-da mashaqqatlidir.  Ustoz bu ishga butun borlig’ini, mehrini  baxsh etadi. Hech kimga sir emas, bugungi kunda faqat yuksak bilimli,  zamonaviy, mustaqil fikrlaydigan, intellektual rivojlangan va amaliy kasb-hunarlarga ega boʻlgan yoshlargina buyuk kelajakni taʼminlashi mumkin. Ana shunday yetuk mutaxassis kadrni Siz tarbiyalab, voyaga yetkazasiz, Aziz ustozlar! Hurmatli professor-o’qituvchilar,  sizlarni Toshkent arxitektura-qurilish universiteti rahbariyati  nomidan kasb bayramlaringiz bilan yana bir bor chin yurakdan tabriklab, barchangizga sihat-salomatlik, baxtu-saodat, xonadonlaringizga tinchlik-xotirjamlik va kasbingizga ulkan zafarlar  tilayman!

Toshkent arxitektura-qurilish universiteti rektori v.v.b  B.A.Tulaganov