E’tibordasiz - aziz Ustoz va murabbiylar!
E’tibordasiz - aziz Ustoz va murabbiylar!
Toshkent arxitektura-qurilish universitetida 2024 yil 1- oktyabr kuni “O'qituvchi va murabbiylar” kuni munosabati
bilan universitet pedagog o'qituvchilari,
xodimlari, faxriy professor-o‘qituvchilari hamda Arxitektura va qurilish
sohasida faxriylar kengashi ishtirokida bayram tadbiri bo'lib o'tdi.
Mazkur bayram munosabati bilan Faxriylar kengashi
nomidan avvalo, Siz aziz ustozlarni, yurtimizdagi ta’lim-tarbiya sohasi
xodimlarini O'qituvchi va murabbiylar kuni umumxalq bayrami bilan chin
qalbimdan muborakbod etib, xalqimiz o‘zining arxitektura va qurilish sohasida
bunyodkorlik salohiyati bilan bugungi kunda ushbu ulug‘ ayyomning mohiyati,
muallim va ustozlarning jamiyatimiz
hayotidagi o‘rni va ahamiyati ayniqsa ortib bormoqda.
Azaldan bunyodkorlik shijoati va mehnatkashlik
fazilati bilan dunyoga dong‘i ketgan o‘zbek xalqi ustoz-shogirdlik an’alariga
sodiq bo‘lgan. Tarixga nazar tashlaydigan bo‘lsak, buyuk ajdodlarimiz ham
ustozlari izidan borib, ularning nasihatu maslahatlari bilan ulkan yutuqlarga
erishib, kam bo‘lmagan.
El-yurtimiz azaldan e’zozlab keladigan o‘qituvchi va murabbiylarning
maqomini, qadr-qimmatini yanada yuksaltirish – biz amalga oshirayotgan davlat
siyosatining eng muhim, hal qiluvchi yo‘nalishiga aylangani ham shundan dalolat
beradi. Zero, donishmandlar aytganlaridek, yosh avlodga ta’lim va tarbiya
beradigan fidoyi muallimlarning sa’y-harakati bilan obod va farovon bo‘ladi.
Muhtaram Prezidentimiz boshchiliklarida
Respublikamizda har yili yangi-yangi ta’lim maskanlari barpo etilib, ularning
moddiy-texnik bazasi, kadrlar salohiyati mustahkamlanmoqda.
Ta’lim-tarbiya sohasiga berilayotgan ulkan e’tibor
tufayli yoshlarimiz ilm, fan va texnika, madaniyat va san’at, sport sohalarida
yuksak marralarni qo‘lga kiritayotgani barchamizni mamnun etmoqda.
Siz, muhtaram pedagoglar, professor-o‘qituvchilarimiz
ta’lim sohasidagi islohotlarimizda yanada faol ishtirok etib, “Yangi
O‘zbekiston – ma’rifiy jamiyat” degan olijanob g‘oyamizni amalga oshirishga
munosib hissa qo‘shasiz. Hech shubhasiz, biz ta’lim va tarbiya tizimini yanada
ravnaq toptirish, soha xodimlari uchun munosib mehnat va turmush sharoitlarini
yaratish masalasiga bundan buyon ham ustuvor ahamiyat beramiz va
o‘qituvchilikni jamiyatimizda eng obro‘li kasblar qatoriga olib chiqamiz.
Aziz Muhtaram ustozlar! Mana shu shukuhli ayyomda Siz
azizlarni yana bir bor chin dildan qutlab, barchangizga sihat-salomatlik,
oilaviy baxt, ezgu va sharafli faoliyatingizda ulkan muvaffaqiyatlar tilayman.
Hamisha sog‘-omon bo‘ling, qadrli va mehribon ustozlar! Yana bir bor kasb bayramingiz bilan chin dildan Faxriylar
Kengashi nomidan tabriklayman!
Xurmat bilan Faxriylar kengashi raisi Kozim Nosirovich Tulyaganov!
