Toshkent arxitektura-qurilish universiteti Yoshlar masalalari va ma'naviy-ma'rifiy ishlar boshqarmasi tomonidan Toshkent viloyati Toshkent tumanidan joylashgan 26-umumta'lim maktabida "Ma'rifat ulashib" loyihasi doirasida ijodiy uchrashuv tashkil qilindi.

Toshkent arxitektura-qurilish universiteti  Yoshlar masalalari va maʼnaviy-maʼrifiy ishlar boshqarmasi tomonidan Toshkent viloyati Toshkent tumanida joylashgan 26-umumtaʼlim maktabida "Maʼrifat ulashib" loyihasi doirasida ijodiy uchrashuv tashkil qilindi. Unda O’zbekistonda xizmat koʻrsatgan madaniyat xodimi, "Shuhrat" medali sohibasi, O’zbekiston yozuvchilar uyushmasi aʼzosi, Saodat jurnali bosh muharriri Munavvara Usmonova, universitet 1-bosqich magistranti yosh ijodkor O.Sharipov, maktab direktori N.Abduazimova va uning jamoasi hamda faol oʻquvchilar ishtirok etdilar. Samimiy va ochiq muloqot ruhida kechgan tadbirda taniqli ijodkor o'z hayot va ijod yo'li haqida o'quvchilarga so'zlab berdi. Tadbir davomida yosh ijodkor ham o'z qalamiga mansub sheʼrlardan o’qidi. Shuningdek,  maktab o’quvchilari adib ijodiga tegishli she'rlarni,  kuy va qo'shiqlarni ijro etishib, biri-biridan dilrabo raqslari bilan tadbir ishtirokchilarini xursand qildilar. Eng yaxshi savol bergan  o’quvchilarga adib  o'z kitobini esdalik tariqasida sovg'a qildi. Tadbir so’ngida  "Eng yaxshi insho" tanlovida g’olib deb topilgan o'quvchilar faxriy yorliq va sovg’alar bilan taqdirlandi.