Hurmatli talabalar! Sizlarni bugungi qutlug' sana - Xalqaro talabalar kuni bilan samimiy muborakbod etaman!

Hurmatli talabalar! Sizlarni bugungi qutlug' sana – Xalqaro talabalar kuni bilan samimiy muborakbod etaman! Bu kun – yoshlik, intilish va bilim olishga bo'lgan cheksiz ishtiyoq timsolidir. Talabalik yillari nafaqat bilim olish, balki kelajakka bo'lgan mustahkam poydevorni qurish davridir. Sizning intilishlaringiz, ijodkorlik va mehnatsevarligingiz nafaqat o'zingizning, balki butun mamlakatimiz taraqqiyoti yo'lida ulkan ahamiyat kasb etadi. Toshkent arxitektura-qurilish universiteti jamoasi sizning har tomonlama rivojlanishingiz, zamonaviy bilim va ko‘nikmalarga ega bo‘lishingiz uchun barcha sharoitlarni yaratishga intiladi. Biz sizning g'oyalar va tashabbuslaringizni qo'llab-quvvatlashdan doimo mamnunmiz. Siz – ertangi kun me'morlari va quruvchilarisiz! Bugun olgan bilimlaringiz va ko‘nikmalaringiz kelajakda yurtimizni yanada obod qilishga xizmat qiladi. Xalqaro talabalar kuni munosabati bilan sizga mustahkam sog'liq, yuksak g'alabalar va yorqin kelajak tilayman! Talabalik davringizning har bir kuni mazmunli va unutilmas bo‘lsin!

Hurmat bilan,

Toshkent arxitektura-qurilish universiteti rektori v.v.b. B.A.Tulaganov