TAQU yosh olimlari xalqaro forumda

7-noyabr kuni Hilton Tashkent City konferens zalida “Sement Beton Ishlab chiqarishda va tadbir qilishda zamonaviy texnologiyalar” mavzusi boʻyicha AKKERMANN CEMENT Ikkinchi Xalqaro forumi bo’lib o’tdi va bu xalqaro anjumanida Universitetimizda uzoq yillardan beri muvaffaqiyatli faoliyat koʻrsatayotgan va yosh olimlarga rahbarlik kulib kelayotgan ustoz domla texnika fanlari doktori, professor Komilov Xabibulla Xamidovichni doktorant shogirdlari ishtirok etishdi. Xususan shu forumda Universitetimizning “Qurilish materiallari va konstruksiyalari texnologiyasi” kafedrasi assistenti Abdazov Dilshod Raxmadjon o’g’li “o’z-o’zidan  zichlashuvchi betonlar” mavzusida taqdimot qildi, Hozirgi kunda Respublikamizda bu turdagi betonlarga boʻlgan amaliy ehtiyoj va bu ilmiy ishning chuqur negizi forum qatnashchilari tomonidan katta qiziqishga va jonli munozaraga  sabab  bo’ldi. Ushbu anjumanda bizning tadqiqotchilarimiz ilmiy ishlariga ko’rsatilgan eʼtibor va jonli qiziqish kelgusida Universitetimiz yosh olimlari fan doktori, professor bo’lishlariga qo’shimcha asos deb umid qilgan xolda, ularga ulkan zafarlarni tilab qolamiz!