2025-o’quv yilida Yaponiya hukumati hamda Yaponiyaning Nagoya, Nagoya shahar va Nagoya iqtisodiyot universitetlari tomonidan mazkur davlat oliy ta’lim muassasalarida tahsil olish, ilmiy tadqiqotlar olib borish uchun stipendiya tanlovi to’g’risida e’lon qilingan.

2025-o’quv yilida Yaponiya hukumati hamda Yaponiyaning Nagoya, Nagoya shahar va Nagoya iqtisodiyot universitetlari tomonidan mazkur davlat oliy ta’lim muassasalarida tahsil olish, ilmiy tadqiqotlar olib borish uchun stipendiya tanlovi to’g’risida e’lon qilingan. Mazkur grantlar Aichi prefekturasi ma’muriyati, Yaponiya xalqaro hamkorlik agentligi (JICA)ning “JDS”, Nagoya universitetining “Global 30”, Yaponiya Ta’lim, madaniyat, sport, fan va texnologiyalar vazirligining BMT Barqaror rivojlanish maqsadlariga erishish uchun stipendiya dasturlari doirasida ajratilishi ko’zda tutilmoqda. Yaponiya tomonining ma’lumotiga ko‘ra, nomzodlar universitet o‘qituvchilari, ilmiy xodimlari, doktorantlari, magistrantlari, talabalari qatoridan bo‘lishlari va muayyan talablarga javob berishlari lozim hamda ular hujjatlar natijalari asosida tanlab olinadilar. Ushbu tanlovda (magistratura, doktorantura) ishtirok etish istagida bo‘lgan nomzodlar arizalar va barcha zarur hujjatlarni ilova qilingan holda, on-line tarzda taqdim etishlari kerak. Hujjatlarga ularning ingliz yoki yapon tillariga notarial tasdiqlangan tarjimasi ilova qilinishi kerak. Shuningdek, mazkur stipendiya dasturlari to‘g‘risidagi batafsil ma’lumot, shartlari va zarur hujjatlar ro‘yxati bilan Yaponiyaning Nagoya, Nagoya shahar va Nagoya iqtisodiyot universitetlarining quyidagi veb-sahifalarida tanishish mumkin:

https://www.pref.aichi.jp/soshiki/kokusai/aichi-scholarship-program.html

https://admissions.g30.nagoya-u.ac.jp/admissions/graduateprograms

https://www.nagoya-cu.ac.jp/english/study/information/scholarships/