Rektor tabrigi!

Hurmatli hamkasblar, aziz talabalar va qadrli yurtdoshlar! Sizlarni O’zbekiston Respublikasi Konstitutsiyasining 32 yilligi munosabati bilan chin yurakdan tabriklayman! Konstitutsiyamiz – davlatimiz mustaqilligi, xalqimizning tinch va farovon hayoti, adolat va qonun ustuvorligini ta'minlovchi asosiy huquqiy hujjatdir. U har bir fuqaroning huquq va erkinliklarini himoya qilish, ularni kafolatlashning mustahkam poydevori sifatida xalqimizning ma'naviy yuksalishiga xizmat qilmoqda. Toshkent arxitektura-qurilish universiteti jamoasi sifatida biz ham Konstitutsiyamiz tamoyillariga tayangan holda yurtimiz taraqqiyotiga hissa qo‘shayotganimizdan faxrlanamiz. Kelajak avlodlarni tarbiyalashda, zamonaviy bilimlar va ko‘nikmalarni yetkazishda, shuningdek, qurilish va arxitektura sohasida innovatsion loyihalarni amalga oshirishda barchamiz bu tamoyillarni asos qilib olamiz. Ushbu ulug‘ ayyomda barchangizga sog‘liq, baxt-saodat, oilaviy farovonlik va zafarlar tilayman. Yurtimiz doimo tinch, xalqimiz farovon bo'lsin!

Bayramingiz muborak bo’lsin!

Hurmat bilan B.A.Tulaganov Toshkent arxitektura-qurilish universiteti rektori.