Bo'lim faoliyati

Toshkent arxitektura-qurilish universitetining  Bosh muhandislik bo‘limi Universitetning mustaqil tarkibiy tuzilmasi hisoblanadi hamda o‘z faoliyatida O‘zbekiston Respublikasi amaldagi qonunlari, Vazirlar Mahkamasi qarorlari, me’yoriy-huquqiy hujjatlar, Universitet ichki nizomlari va ushbu Nizomga amal qiladi.

Bo‘lim Universitet rektori va prorektorlariga bo‘ysunadi, faoliyatiga esa Bosh muhandis rahbarlik qiladi. TAQU Bosh muhandislik bo‘limi universitet binolari va inshootlarining texnik xavfsizligi hamda uzluksiz ishlashini ta’minlab, qurilish-ta’mirlash ishlarini tashkil etish va nazorat qilish, muhandislik-kommunikatsiya tizimlariga xizmat ko‘rsatish hamda energiya tejamkorligi va xavfsizlik qoidalariga rioya etilishini nazorat qiladi.

Asosiy vazifalar

• Bino va inshootlarni ko‘zdan kechirish va texnik diagnostika o‘tkazish.
• Favqulodda nosozliklarni bartaraf etish choralarini ko‘rish.
• Yangi qurilish va rekonstruksiya ishlarini boshlash uchun texnik hujjatlarni tayyorlash.
• Qurilish materiallari va texnik uskunalarni tanlashda ishtirok etish.
• Texnik xizmat ko‘rsatish bo‘yicha xodimlarga topshiriqlar berish va ularning bajarilishini nazorat qilish.