Universitet Kengashi kotibining asosiy vazifalari:

• Kengashning o‘quv yili uchun mo‘ljallangan ish rejasini ishlab chiqadi va tasdiqlatadi.
• Kengash majlislari kun tartibini shakllantiradi, a’zolarni va taklif etilganlarni majlis vaqti hamda joyi haqida xabardor qiladi.
• Kun tartibiga kiritilgan masalalar bo‘yicha tegishli dekanat, kafedra va bo‘limlardan zaruriy ma’lumotlar, hisobotlar va qaror loyihalarini yig‘adi.
• Kengash majlislarining borishini qayd etadi va bayonnomalarni rasmiylashtiradi.
• Kengash tomonidan qabul qilingan qarorlarni ijrochilarga (kafedra mudirlari, dekanlar, bo‘lim boshliqlari) rasmiy ravishda yetkazadi.
• Kengash hujjatlarini butligini ta’minlaydi va ularni belgilangan tartibda arxivga topshirishga tayyorlaydi.
• Kengash qarorlarining o‘z vaqtida va sifatli bajarilishini tizimli ravishda monitoring qilib boradi.
• Ilmiy daraja va unvonga da’vogarlarning hujjatlarini ko‘rib chiqish uchun tayyorlaydi va kengashga taqdim etadi.
• Ta’lim sifati, professor-o‘qituvchilarning pedagogik mahorati va talabalarga yaratilgan sharoitlar bo‘yicha o‘tkaziladigan o‘rganishlarda ishtirok etadi.
• Kengash a’zolari hamda universitet rahbariyati o‘rtasidagi doimiy axborot almashinuvini ta’minlaydi.
• Kengash topshirig‘iga binoan xodimlar yoki talabalar bilan bog‘liq masalalar ko‘riladigan yig‘ilishlarda ishtirok etadi.
• Mukofotlar belgilashda yoki intizomiy choralar ko‘rishda ijtimoiy adolat tamoyillariga rioya etilishini hujjatlashtirishda ishtirok etadi.