Kafedradagi o‘qituvchilar

Kafedra faoliyati

“Arxitektura yodgorliklari” kafedrasi arxitektura va-qurilish universiteti tarkibidagi eng keksa va nufuzli kafedralardan hisoblanadi. U dastlab 1929 yilda O‘rta Osiyo paxtachilik – industrial politexnika instituti qoshida “Arxitektura tarixi va nazariyasi” kafedrasi bo‘lib tashkil etilgan. Ushbu kafedraga V.A. Nilsen, M.A. Salohiddinov, X.Sh. Po‘latov, T.F. Qodirova, Sh.S. Reyimbaev, D.A. Nozilov, T.Sh. Mamatmusaev, I.K. Shoisoev kabi arxitektura sohasining yetuk olimlari rahbarlik qilishgan.

2021 yildan esa iste’dodli olim I.K. Shoisoev boshchilik qilmoqda. Kafedrada mohir pedagog, jonkuyar olimlari, professor O.M. Salimov, Sh.Z. Nurmuhamedova, professor T.Sh. Mamatmusaev, professor X.Sh. Po‘latov, PhD, dotsent S.M. Mirdavidova, PhD, dotsent A.A. Yaxyaev, PhD, dotsent O.A. Masharipov, PhD, dotsent Sh.Sh. Mustofoev, PhD E.A. Salaev, dotsent A.A.Turdiev, katta o‘qituvchilar N.B. Raxmatova, S.G‘. Jo‘raeva, B.A. Qalandarov, R.X. Qurbonov, assistent S.X. Ashurovlar ilmiy va pedagogik faoliyat olib bormoqdalar.

Mazkur kafedrada faoliyat ko‘rsatgan mashhur olimlar akademik G.M. Pugachenkova, professor V.A. Nilsen, P.Zohidov, T.F. Qodirova, D.A. Nozilov, Sh.D. Asqarov, I.Azimovlar o‘zbek arxitektura fani rivojiga munosib hissa qo‘shganlar. Bugungi kunda professor O.M. Salimov, professor Sh.Z. Nurmuhamedova, professor X.Sh. Po‘latov, professor A.A. Ziyaev, professor T.Sh. Mamatmusaev, professor Sh.S. Reyimbaev kabi olim-pedagoglar qo‘lida tahsil ko‘rgan minglab malakali arxitektorlar O‘zbekiston milliy arxitektura san’atining yanada takomillashtirish maqsadida ijodiy izlanmoqdalar. Ular mustaqillik yillarida mamlakatimizda qad ko‘targan yuzlab zamonaviy, ko‘rkam binolar, arxitektura yodgorliklarini qayta tiklash va ularni tarixini o‘rganish loyihalarining mualliflaridir.

Universitetning barcha kafedralari qatori “Arxitektura tarihi va nazariyasi”, “Arxitektura yodgorliklarni ta’mirlash va qayta tiklash”, “Tarixiy shahar markazlarini rekonstruksiya qiliish”, “Arxitektura yodgorliklaridan zamonaviy maqsadlarda foydalanish”, “Arxitektura yodgorliklarining muhofaza hududlarini tashkil etish usullari”, “Tarixiy shahar markazlarini qayta tiklash”, “Muqarnas va girih”, “Restavratsiyada innovatsiyalar: xorij tajribasi” va boshqa mutahassislik fanlaridan o‘ndan ortiq malakali professor-o‘qituvchilar nazariya, amaliy dars mashg‘ulotlarini olib bormoqdalar.

Kafadra bugungi kunga kelib 2 ta bakalavriat 60212200 – “Madaniy meros ob’ektlarini asrash”, 60731100 – “Arxitektura yodgorliklari rekonstruksiyasi va restavratsiyasi”, 70730102 - “Arxitektura nazariyasi va tarixi, arxitektura yodgorliklarini tiklash” mutaxassisligi bo‘yicha magistratura yo‘nalishi va Germaniyaning Anxalt universiteti bilan hamkorlikdagi “Arxitektura nazariyasi va tarixi, arxitektura yodgorliklarini tiklash” mutahassisligidan 1+1 qo‘shma ta’lim dasturi asosida mamlakatimiz taraqqiyoti uchun kadrlar tayyorlanib kelinmoqda.

Kafedrada 18.00.01 – “Arxitektura nazariyasi va tarixi, arxitektura yodgorliklarini ta’mirlash va tiklash” ixtisosligi bo‘yicha xozirgi kunda 21 nafar tayanch doktorant, 6 nafar mustaqil izlanuvchi (PhD), 2 nafar DSc doktoranti va 3 nafar mustaqil izlanuvchi (DSc) lar arxitektura tarixi va nazariyasi, arxitektura tarixiy yodgorliklarni tiklash va shu kabi mavzular ustida ilmiy tadqiqot ishlarini olib borishmoqda.

Kafedra jamoasi arxitektura tarixi hamda amaliyotiga bag‘ishlangan ilmiy-tadqiqot ishlarini olib bormoqda. Keyingi yillarda kafedra professor-o‘qituvchilari tomonidan 10 dan ortiq darslik, 15 dan ortiq o‘quv qo‘llanma, uslubiy ko‘rsatma va 15 ga yaqin monografiyalar chop ettirilishi o‘zbek arxitektura fanini boyitgan adabiyotlar safidan joy oldi.

Kafedra jamoasi turdosh ilmiy-tadqiqot muassasalari va ijodiy tashkilotlari bilan turli me’moriy loyihalar, ilmiy-badiiy asarlar yaratishda hamkorlik qilmoqda. Masalan, O‘zR Fanlar Akademiyasi San’atshunoslik instituti va O‘zbekiston Madaniy meros agentligi bilan hamkorlikda O‘zbekistondagi me’moriy yodgorlikliklarga doir ma’lumotlar to‘plamini yozishda, O‘zbekistonda yashab, ijod qilgan arxitektorlarning biografik qomusini yaratishda ishtirok etdi. Bu ilmiy tadqiqotlar va ijodiy loyihalarni amalga oshirishda ustoz arxitektorlar O.M. Salimov, Sh.Z. Nurmuhamedova, T.Sh. Mamatmusaev, X.Sh. Po‘latov, A.A. Ziyaev, Sh.S. Reyimbaev, I.K. Shoisoev va boshqalar faol ishtirok etdilar.

Bulardan tashqari, kafedra professor-o‘qituvchilari arxitektura nazariyasi va tarixiga bag‘ishlangan ilmiy va amaliy anjumanlarni o‘tkazishda ham tashabbus ko‘rsatmoqdalar. Jumladan, “Arxitektura: meros va zamonaviylik” halqaro ilmiy-amaliy anjumani, “O‘zbekiston arxitektura nazariyasi, tarixi, yodgorliklarini ta’mirlash va qayta qurish muammolari” mavzusida respublika ilmiy-amaliy konferensiyalar o‘tkazishda ham tashabbus ko‘rsatmoqdalar.