Bo'lim faoliyati

Universitet faoliyatiga oid hujjatlarni saqlash, hisobini yuritish, ulardan foydalanish va davlat saqloviga topshirishga tayyorlashni ta’minlash, shuningdek, hujjatlarni davlat arxiviga topshirilgunga qadar ilmiy va amaliy maqsadlarda foydalanishni ta’minlash arxiv bo‘limining asosiy vazifalaridan biridir.

Arxiv bo‘limi o‘z faoliyatini O‘zbekiston Respublikasining “Arxiv ishi to‘g‘risida”gi qonuni va Vazirlar Mahkamasining qarorlari (2012-yil 5-apreldagi 101-son, 1999-yil 29-martdagi 140-son, 1999-yil 12-yanvardagi 12-son va 1999-yil 30-apreldagi 482-son qarorlari) asosida, shuningdek, Toshkent Arxitektura-Qurilish Universitetining arxiv nizomi asosida olib boradi.

Asosiy vazifalar

·         Universitet arxivi hujjatlarni davlat arxiviga topshirilgunga qadar saqlaydi va ularning hisobini yuritadi.

·         Universitetda saqlanayotgan hujjatlar to‘g‘risida statistik shakllar bo‘yicha davlat arxiviga ma’lumot taqdim etadi va hujjatlarni davlat saqloviga topshirish uchun tayyorlaydi.

·         Universitetda saqlanayotgan hujjatlarning ilmiy va tarixiy ahamiyatini ekspertiza qiladi va davlat arxivi mutaxassislari ishtirokida ularni saqlanish muddati bo‘yicha yo‘q qilishga ajratish to‘g‘risida dalolatnoma tuzadi.

·         Universitet arxivida saqlanayotgan hujjatlarni davlat arxiviga topshirish jadvalini ishlab chiqadi va tasdiqlash uchun universitet rektoriga taqdim etadi.

·         Davlat arxiviga doimiy saqlash uchun topshirilishi rejalashtirilgan hujjatlar ro‘yxatini hamda davlat arxivi qoshidagi xo‘jalik hisobida ishlovchi arxivchilar guruhi tomonidan tayyorlangan hujjatlar ro‘yxatini (opis’) ko‘rib chiqadi va tasdiqlash uchun Arxiv ishi boshqarmasining Ekspert-tekshiruv komissiyasiga (ETK) taqdim etadi.

·         Saqlash muddati tugagan hujjatlarni yo‘q qilishga ajratish bo‘yicha tuzilgan dalolatnomani ko‘rib chiqadi.

·         Hujjatlardan foydalanishni tashkil etadi hamda belgilangan tartibda alohida shaxslarga arxiv ma’lumotlari va hujjatlaridan ko‘chirmalar beradi.