Umumiy ma'lumot

Toshkent  arxitektura - qurilish universiteti  kutubxonasi 1992 yilda tashkil etilgan. Kutubxonada arxitektura – qurilishga oid adabiyotlar bilan to‘ldirib borilmoqda.

Toshkent arxitektura-qurilish universiteti kutubxonasida 18638 nomdagi 212016 nusxa adabiyotlar mavjud. Jumladan, o‘quv adabiyotlari – 6656 nomda 141857 nusxani tashkil etadi.

Kutubxona hodimlarning grafik asosida ertalab soat 8:30 dan kechki soat 22:00 gacha ishlashi yo‘lga qo‘yilgan. Kutubxonaga jami 5000 ga yaqin professor-o‘qituvchilar, talabalar va hodimlar a'zo bo‘lib,kutubxona  fondidan  foydalanib  kelinmoqda.

Foydalanuvchilarga tezkor va sifatli axborot-kutubxona xizmatini ko‘rsatish, talabalar, professor-o‘qituvchilar va barcha kitobxonlarga kutubxonadan foydalanishlari uchun kutubxonada o‘quv va elektron o‘quv zallari, TTJda ham o‘quv zallari faoliyati yo‘lga qo‘yilgan.

Kutubxonada elektron katalogni samarali tashkil etishga ham alohida e'tibor qaratilgan. Elektron kutubxona tizimi IRBIS 32 , unilibrary.uz dasturlari universitet kutubxonasida talab darajasida ishlatilib kelinmoqda. Yangi olingan axborot-resurslar IRBIS 32  dasturining EK ma'lumotlar bazasiga hamda unilibrary.uz platformasiga kiritilgan. Darslik, o‘quv qo‘llanmalar va boshqa nashrlarni skaner orqali elektron ko‘rinishga o‘tkazilib, joylashtirilib borilmoqda.

Vazirlikning unilibrary.uz elektron platformasida ARM fondidagi 26125 ta elektron resurslarning bibliografik tasniflari va to‘liq matnlari kiritilgan.

Foydalanuvchilarga masofadan axborot-kutubxona xizmati ko‘rsatishni takomillashtirish maqsadida Wi-Fi tizimi va telegrammda alohida” TAQU elektron kutubxonasi” @books_taqi kanali mavjud bo‘lib, unga bakalavriat va magistratura kurslarida o‘qitiladigan fanlar bo‘yicha o‘quv qo‘llanma va darsliklarni elektron nusxalari bilan to‘ldirib borilishi yo‘lga qo‘yilgan.

Shu bilan birga, kutubxona hududida Wi-Fi zonasi tashkil etilgan. Internet tarmog‘ining ishlash tezligi 300 mb/s, internet mavjudligi tezligi 300 mb/s tasix 1 gb/s ga teng. Kitobxon o‘z mobil telefoni va shaxsiy noutbukidan kirib foydalanish imkoniyatiga ega.

“TAQU elektron kutubxonasi” telegram kanali Toshkent arxitektura-qurilish universiteti professor-o‘qituvchilari va talabalarining elektron kutubxona ma'lumotlaridan qulay foydalana olishlari uchun tashkil etilgan bo‘lib, hozirda 4924 nafarga yaqin foydalanuvchilar 3894 dan ortiq nomdagi o‘quv adabiyotlar va resurslardan foydalanishmoqda.

O‘zbekiston Milliy kutubxonasi tomonidan universitet professor-o‘qituvchi va talabalariga Milliy kutubxonaning http://old.natlib.uz:8101/taqi/ elektron bazalarida, jumladan, arxitektura va qurilish sohalaridagi milliy va xorijiy elektron bazalarida mavjud axborot-kutubxona resurslaridan doimiy ravishda onlayn foydalanish imkoniyati yaratilgan.

Kutubxona fondini kengaytirish hamda professor-o‘qituvchi va talabalar uchun xorijiy hamkor oliy ta'lim muassasalarining o‘quv-ilmiy adabiyotlar elektron bazalaridan foydalanish uchun Belorussiya milliy texnika universiteti Axborot-resurs markazining https://library.bntu.by/ elektron bazasiga bepul kirish ta'minlangan. Universitet kutubxonasi fondiga shu bazadan elektron adabiyotlar yuklab olingan.

Kutubxonada foydalanuvchilarga qulay sharoitlar yaratish maqsadida markaz zamonaviy jihozlar, jumladan mebellar, stol-stul, sovutish vositalari (konditsioner) hamda boshqalar bilan ta'minlangan. Axborot-resurs markazida 3 ta 180 o‘ringa moslashgan o‘quv zali hamda 80 o‘rinli kompyuter zali mavjud. Moddiy-texnika bazalari, ya'ni talabalar uchun 84 ta,kompyuter jamlanmasi, 4 ta skaner va 1 ta nusxa ko‘chirish moslamasi mavjud.

Bundan tashqari Chilonzor tumanida joylashgan Talabalar turar joyida 10 ta kompyuter, 20 o‘rinli o‘quv zali tashkil etilgan. O‘quv zallarida sohalarga oid o‘quv, ilmiy va badiiy adabiyotlar, gazeta va jurnallar mavjud bo‘lib, barcha foydalanuvchilarga xizmat ko‘rsatib kelmoqda.

Asosiy vazifalar

•  Kutubxona fondlari va axborot resurslaridan keng foydalanish asosida universitet o‘quv jarayonining maqsadlariga muvofiq kitobxonlarga tezkor axborot-bibliografik xizmat ko‘rsatish;

•  Universitet profili va kitobxonlarning ta’limga bo‘lgan ehtiyojlariga muvofiq kutubxona fondi va axborot resurslarini shakllantirish. Ma'lumotnoma-bibliografik apparatni tashkil etish va yuritish;

•  Kitobxonlarning axborot madaniyatini yuksaltirish, kutubxonaning resurslaridan foydalanish ko‘nikmalarini shakllantirish. Talabalarni ma'lumotnoma apparati bilan, shu jumladan avtomatlashtirilgan rejimda ishlashga tayyorlash;

•  Kutubxonani texnik jihozlash, kutubxona-axborot jarayonlarini kompyuterlashtirish asosida kutubxona xizmatlari ko‘lamini kengaytirish, sifatini oshirish;

•  Kutubxonani kitobxonlarga yagona kitobxonlik guvohnomasi bo‘yicha xizmat ko‘rsatishni tashkil etadi, elektron kutubxonalar va ma’lumotlar bazalaridan masofadan foydalanishni ta’minlaydi.

•  Kitobxonlarga kutubxona xizmatlarini bepul taqdim etadi; elektron katalog, kutubxona ma’lumotlarining boshqa shakllaridan foydalangan holda kutubxona fondi tarkibi to‘g‘risida to‘liq ma’lumot beradi;

•  Axborot manbalarini izlash va tanlashda maslahat yordamini ko‘rsatadi;

•  Kutubxona fondlaridan bosma asarlar va boshqa hujjatlarni vaqtincha foydalanishga beradi;

•  Universitet  professor, o'qituvchilari va  talabalarga  axborotga bo'lgan ehtiyojlarini  aniqlaydi, o'rganadi;

•   Kitobxonlarda axborot izlash, uni ta’lim jarayonida qo‘llash ko‘nikmalarini shakllantiradi;

•  Kutubxona fondini jamlashni tartibga solish va ta’lim tashkiloti tomonidan adabiyotlarni chiqarishni rejalashtirish maqsadida mutaxassisliklar va ta’lim yo‘nalishlari bo‘yicha kitoblar bilan ta’minlanganlik holatini zarur o‘quv hujjatlari va materiallari bilan o‘rganadi;

•  Adabiyotlarni hisobga olish va fondni joylashtirishni amalga oshiradi, ularning saqlanishi, saqlanish rejimi va tiklanishini ta’minlaydi;

•  Amaldagi me’yoriy-huquqiy hujjatlar va kafedralarning ekspertiza xulosalariga asosan kutubxona  fondi hisobidan chiqaradi;

•  Kutubxonaning elektron katalogini tashkil qiladi;

•  Ilg‘or ARM texnologiyalarini qo`llaydi;

•  Universitetning kafedralari, fakultetlari, boshqa bo‘limlari bilan ishlashni muvofiqlashtiradi;

•  Kutubxona  faoliyatining barcha yo‘nalishlarini takomillashtirish bo‘yicha tahliliy, tashkiliy, maslahat ishlarini olib boradi.