9-aprel kuni Toshkent arxitektura-qurilish universiteti talaba-yoshlaning o‘qishdan bo‘sh vaqtlarini mazmunli o‘tkazish maqsadida Alisher Navoiy nomidagi O‘zbekiston Milliy bog‘ida barpo etilgan Adiblar xiyobonida Zokirjon Xolmuhammad o‘g‘li Furqat haykali oldida “Milliy qadriyatlar sayli” tanlovi, “Zakovat”, “Besh muhim tashabbus” festivali, “Bilimlar estafetasi” tadbiri tashkil etildi. Tadbirda Yoshlar masalalari va ma’naviy-ma’rifiy ishlar boshqarmasi boshlig‘i N.Kurbanova boshchiligida fakultet dekanlari, professor-oʻqituvchilar,  tyutorlar hamda universitet talabalari faol ishtirok etdilar. Unda universitet talabalari oʻrtasida Zakovat intellektual o‘yinlari, sog‘lom turmush tarzining faol targ‘ib qilishlari uchun muntazam sport bilan shug‘ullanishlari, ularning sog‘lom hayot kechirishlari maqsadida estafetalar, talaba-yoshlar  o‘rtasida milliylikni targʻib qilish, o‘zbek milliy liboslariga mehr uyg‘otish va ommalashtirish, zamonaviy kiyinishda o‘zbekona sharm-hayo me’yorlarini targ‘ib qilishda milliy  kiyimlar va urf-odatlarini namoyishi hamda talabalarning bilimlari va malakalarini sinash maqsadida ular o‘rtasida bellashuvlar bo‘lib o‘tdi.