Toshkent arxitektura-qurilish universiteti talabgorlarining O‘zbekiston Respublikasi Prezidenti va nomli davlat stipendiyalariga hujjat topshirishi to‘g‘risida

Toshkent arxitektura-qurilish universiteti bakalavriat ta’lim yo‘nalishlari va magistratura mutaxassisliklari talabalari hamda tayanch doktorantlari quyidagi yo‘nalish va muddatlarda O‘zbekiston Respublikasi Prezidenti va nomli davlat stipendiyalariga hujjat topshirishlari mumkin:

Bakalavriat bosqichi:

O‘zbekiston Respublikasi Prezidenti davlat stipendiyasi;

Izoh. Butun o‘qishi davomida faqat a’lo baholarga o‘qiyotgan O‘zbekiston Respublikasi fuqarosi bo‘lgan oxirgi kurs talabalarga tayinlanadi va to‘lanadi.

Beruniy – texnika yo‘nalishlarida;

Navoiy – gumanitar yo‘nalishlarda;

Islom Karimov – barcha yo‘nalishlarda;

Izoh. 2-4 bandlar. Barcha fanlardan o‘zlashtirish ko‘rsatkichlari “a’lo” (ko‘pi bilan 25 foizi “yaxshi”) bo‘lgan hamda ijodiy ishda qatnashadigan bakalavriat ta’lim yo‘nalishida o‘qiyotgan oxirgi ikki kurs talabalarga tayinlanadi va to‘lanadi.

Muddat. Hujjatlar Universitet kengashiga har yil 1 – 15 iyul kunlari, Oliy ta’lim, fan va innovatsiyalar vazirligining “stipendiya.edu.uz” elektron tizimiga har yili 1 – 15 avgust kunlari kiritiladi.

Asos. Bakalavriat bosqichi talabalari uchun O‘zbekiston Respublikasi Prezidenti va nomli davlat stipendiyalari hamda ularni tayinlash tartibi to‘g‘risida Nizom. https://lex.uz/acts/1399382

Kamoliddin Behzod – dizayn yo‘nalishlarida;

Izoh. Dizayn yo‘nalishlarining oxirgi ikki kursida ta’lim olayotgan bakalavriat bosqichi talabalarga tayinlanadi.

Muddat. Hujjatlar Universitet kengashiga har yil 1 iyunga qadar, Oliy ta’lim, fan va innovatsiyalar vazirligiga 25 iyunga qadar taqdim etiladi.

Asos. Kamoliddin Behzod nomidagi davlat stipendiyasini tayinlash tartibi to‘g‘risida Nizom. https://lex.uz/docs/5084246

 Magistratura bosqichi:

O‘zbekiston Respublikasi Prezidenti davlat stipendiyasi;

Izoh. O‘zbekiston Respublikasi fuqarolari bo‘lgan davlat oliy ta’lim muassasalari talabalarga Oliy ta’lim, fan va innovatsiyalar vazirligi tomonidan o‘tkaziladigan tanlov natijalariga binoan tayinlanadi.

Muddat. Hujjatlar Universitet kengashiga har yil 1 – 15 iyul kunlari, Oliy ta’lim, fan va innovatsiyalar vazirligiga 1 – 15 avgust kunlari taqdim etiladi, ko‘rib chiqish muddati 10 – 25 sentabr.

Asos. Magistratura bosqichi talabalari uchun O‘zbekiston Respublikasi Prezidentining davlat stipendiyalari va ularni tayinlash tartibi to‘g‘risida Nizom. https://lex.uz/acts/1399382

Tayanch doktorantura bosqichi:

O‘zbekiston Respublikasi Prezidenti davlat stipendiyasi;

Izoh. Universitetning so‘nggi o‘quv yilida tayanch doktoranturada tahsil olayotgan doktorantlariga – O‘zbekiston Respublikasi fuqarolariga Oliy ta’lim, fan va innovatsiyalar vazirligi tomonidan o‘tkaziladigan tanlov asosida tanlab olish natijalariga ko‘ra tayinlanadi.

Muddat. Hujjatlar Universitet kengashiga har yil 1 – 15 sentabr kunlari, Oliy ta’lim, fan va innovatsiyalar vazirligiga 1 – 31 oktabr kunlari taqdim etiladi, axborot texnologiyalari, xorijiy tillar, O‘zbekiston tarixi bo‘yicha maxsus test sinovlari 1 – 30 noyabrda o‘tkaziladi.

Asos. Tayanch doktoranturada tahsil olayotgan doktorantlar uchun O‘zbekiston Respublikasi Prezidentining davlat stipendiyalari va ularni tayinlash tartibi to‘g‘risida Nizom. https://lex.uz/acts/1399382

Eslatma. O‘zbekiston Respublikasi Bosh Prokuraturasining 2024 yil 29 fevraldagi 10.1/10-1-24-34-son taqdimnomasida ko‘rsatilgan kamchiliklarni bartaraf qilish hamda O‘zbekiston Respublikasi Prezidenti va nomli davlat stipendiyalari tanlovlarini yuqori saviyada va adolatli o‘tkazilishini ta’minlash bo‘yicha chora-tadbirlar rejasining 4-bandiga asoslan davlat stipendiyalari tanlovlariga nomzodlarni saralashda talabalarning ijodiy qobiliyatlarini, ularni mustaqil fikrlash imkoniyatlariga, jumladan talabgorlarnig yakka-mualliflikdagi ilmiy tadqiqot ishlariga ustuvorlik beriladi.