Kafedra faoliyati:

    “Qurilishda axborot texnologiyalari” kafedrasida bugungi kunda 1 nafar fan nomzodi 4 nafar dotsentlar, 2 nafar dotsent v.b., 1 nafar katta o’qituvchi faoliyat ko’rsatib kelmoqdalar. Bugungi kunda kafedraning ilmiy salohiyati 57 foizni tashkil etadi. Ushbu professor-o‘qituvchilar tomonidan hozirgi kungacha “axborot texnologiyalari” sohalariga oid bir qancha darslik, o‘quv qo‘llanmalar, uslubiy ko‘rsatmalar, monografiyalar va ilmiy maqolalar nashr etilgan.

    Kafedrada barcha bakalavriat yo‘nalishlari uchun “Qurilishda axborot texnologiyalari”, “Iqtisodiyotda axborot kommunikatsion texnologiyalar va tizimlar”, “Texnik tizimlarda axborot texnologiyalari”, “Avtomatlashtirilgan loyihalash tizimlari va uch o‘lchamli modellashtirish” fanlardan ta`lim berib kelmoqdalar. 2024-yildan kafedrada 60610300 – Kompyuter injiniring  hamda 60610500- Sun’iy intellekt yo’nalishlari bo’yicha bakalavrlar tayyorlanmoqda.     Kafedra professor-o‘qituvchilari universitetda o’qitilayotgan talabalarga 30 dan ortiq fanlardan ta`lim berib kelmoqdalar. Kafedrada o’quv jarayoni zamonaviy darslik va o’quv adabiyotlari bilan ta`minlangan. So’nggi uch yilda fanlardan 3 darslik, 10 dan ortiq o’quv qo’llanmalar 1 ta monografiya nashr etildi. Kafedra professor-o‘qituvchilari tomonidan o’qitiladigan barcha fanlardan o’quv uslubiy majmualar yaratilib, o’quv jarayoniga joriy qilindi va elektron adabiyot shaklida talabalarga yetkazildi.

    Kafedra professor-o‘qituvchilari doimiy ravishda o‘z pedagogik mahoratlarini oshirib boradilar, xususan tarmoq malaka oshirish markazlari va yetakchi ilmiy markazlarining tegishli ta’lim yo‘nalishlari hamda  ilmiy-pedagogik kadrlarni tayyorlash bo‘yicha ixtisoslashtirilgan dasturlar va malaka oshirish kurslarida ishtirok etish orqali o‘z malakalarini oshiradilar.

    Kafedra olimlari O’zbekistonda ijtimoiy infratuzilmani rivojlantirish, qurilishda bahoni shakllantirish, ko’chmas mulkni baholashning uslubiy asoslarini takomillashtirish hamda qurilish qiymatining tashkiliy-iqtisodiy munosabatlarni takomillashtirish mavzularida ilmiy-tadqiqot ishlari olib bormoqdalar.

    Kafedra olimlari davlat byudjetidan moliyalashtiriladigan F2-FA-F027 raqamli “Tranzit tutilishlarning vaqt boʻyicha oʻzgarishini kuzatish yangi ekzosayyoralarni ochish usuli” granti mavzusida ilmiy izlanish ishlarini olib borilgan. Mazkur muammo bo’yicha ilmiy jurnallarda 5 dan ortiq ilmiy maqolalar chop etildi va 3 dasturiy ta’minot uchun guvohnomalar olindi.     

    Kafedrada qoshida “Dasturlash”, “3D Modellashtirish” va “Sun’iy intellect asoslari” o‘quv kurslari tashkil etilgan bo’lib, universitet talabalari o’quv kurslarda faol ishtirok etishmoqda.

    Talabalarni amaliyotga yo’naltirish maqsadida “Uzinfocom”, "UNICON.UZ" MCHJlar bilan hamkorlikda dual ta’lim yo‘lga qo‘yildi.

    Kafedraning iqtidorli talabalari Sun’iy intellect, Kiberxavsizlik, Dasturlash fanlaridan muntazam ravishda o’tkaziladigan Respublika fan olimpiadalarida muvoffaqiyatli ishtirok etib kelmoqda.