Bugun universitetimizda TAQU huzuridagi akademik litsey va texnikumlar bitiruvchilari uchun maxsus tashkil etilgan mazmunli va ilhomlantiruvchi Ochiq eshiklar kuni bo‘lib o‘tdi! Bilimga chanqoq va maqsadga intiluvchi yoshlarni kampusimizda kutib olganimizdan juda mamnunmiz. Ayniqsa, tashkiliy ishlarga faol hissa qo‘shgan Students' Union talabalar kengashiga alohida minnatdorlik bildiramiz. Ular mehmonlar uchun ekskursiya o‘tkazib, o‘z tajribalari bilan o‘rtoqlashdi hamda universitetimizdagi ta’lim, ilmiy va noo‘quv faoliyat imkoniyatlari haqida batafsil ma’lumot berishdi. Ushbu kun ko‘pchilik ishtirokchilar uchun kasb tanlashda muhim qadam bo‘ldi, degan umiddamiz. Yangi talabalarni universitetimiz saflarida kutib qolamiz!