Fakultet tarixi

1. Dastlabki davrlar (1930–1950-yillar):

• TAQU muhandislik fakultetining asosi 1931-yilda Toshkentda tashkil etilgan O‘rta Osiyo Politeknik instituti tarkibida qo‘yilgan.
• O‘sha davrda fakultetning asosiy vazifasi sanoat korxonalari va infratuzilma obyektlari uchun muhandislarni tayyorlash edi.
• Qurilish va muhandislik sohasida maxsus bilimlarga ega bo‘lgan mutaxassislar yetishmovchiligi fakultet tashkil etilishining asosiy sabablaridan biri bo‘ldi.

2. 1950–1980-yillar:

• Fakultet qurilish muhandisligi, gidrotexnika va shaharsozlik yo‘nalishlariga ixtisoslashdi.
• Sovet Ittifoqining sanoatlashtirish dasturlari tufayli fakultetda muhandislar tayyorlash jarayoni jadallashdi.
• Shu davrda zamonaviy texnologiyalarni o‘rganish va ulardan foydalanish talab etilar edi, bu esa o‘quv dasturlarini diversifikatsiya qilishga olib keldi.
• Fakultetda yirik zavodlar, suv omborlari va boshqa infratuzilma obyektlari uchun loyiha ishlari olib borilgan.

3. Mustaqillik yillarida (1991–hozirga qadar):

• O‘zbekiston mustaqillikka erishgach, muhandislik fakultetining rivojlanishi yangi bosqichga ko‘tarildi.
• Qurilish va muhandislikka zamonaviy yondashuv, ekologik barqarorlik, yangi materiallar va texnologiyalardan foydalanish masalalari asosiy e'tiborga olindi.
• Fakultetda yangi yo‘nalishlar ochildi, jumladan:
• Qurilish materiallari va texnologiyalari.
• Muhandislik kommunikatsiyalari va infratuzilma.
• Qurilishda ekologik muhandislik.
• Fakultet xalqaro universitetlar bilan hamkorlikni kengaytirib, zamonaviy talab va standartlarga mos dasturlarni joriy etdi.
• Talabalar uchun ilg‘or texnologiyalar asosida o‘quv laboratoriyalari va amaliyot dasturlari tashkil etildi.

4. Bugungi kunda:

• Muhandislik fakulteti muhandislik va qurilish sohasi uchun yuqori malakali mutaxassislarni tayyorlashda yetakchi hisoblanadi.
• Ilmiy tadqiqotlar, xalqaro loyihalar va innovatsion ishlanmalar fakultetning asosiy yo‘nalishlari hisoblanadi.
• Fakultet bitiruvchilari O‘zbekiston va xorijdagi qurilish kompaniyalari, muhandislik firmalari va ilmiy markazlarda faoliyat yuritmoqda.

Fakultet haqida

Muhandislik fakulteti tasarrufida 5 ta kafedra mavjud boʻlib, 4 ta mutaxassis tayyorlovchi (“Geomatika muhandisligi”, “Muhandislik kommunikatsiyalari”, “Qurilish va atrof-muhit muhandisligi” hamda “Qurilish materiallari va konstruksiyalari texnologiyasi”) va 1 ta umumkasbiy “Matematika va tabiiy fanlar”) kafedralar  faoliyat yuritadi.

Fakultetda quyidagi 15 ta bakalavriat taʻlim yoʻnalishi boʻyicha yuqori malakali, kreativ va tizimli fikrlaydigan, mustaqil qaror qabul qila oladigan kadrlar tayyorlash yoʻlga qoʻyilgan.

Bakalavr yoʻnalishlari:

60721500 – “Geodeziya va geoinformatika”;

60730400 – “Muhandislik kommunikatsiyalari qurilish va ekspluatatsiyasi”;

60711800 – “Atrof-muhit muhandisligi”;

60720300 – “Materialshunoslik”;

60723300-“Geomatika muhandisligi”;

61020300-“Mehnat muhofazasi va salomatlik muhandisligi”;

60730300-“Qurilish muhandisligi (Qurilish materiallari texnologiyasi va standartlashtirish)”;

60722500-“Geodeziya, kartografiya va kadastr (qurilish)”;

60710400-“Ekologiya va atrof muhit muhofazasi (qurilish)”;

60730600-“Muhandislik qurilishi: Devorbop va pardozbop qurilish materiallari texnologiyasi”;

60112400-“Professional taʻlim (60730400-Muhandislik kommunikatsiyalari qurilishi va montaji)”;

60720600-“Materialshunoslik va yangi materiallar texnologiyasi (qurilish)”;

60730700-“Qurilish muhandisligi: Qurilish materiallari, buyumlari va konstruksiyalarini ishlab chiqarish”;

60730400-“Muhandislik kommunikatsiyalari qurilishi va montaji (turlari boʻyicha)”;

60730500-“Suv taʻminoti, kanalizatsiya tizimlarini loyihalashtirish va ekspluatatsiyasi” taʻlim yoʻnalishlari boʻyicha 4 yil muddatda bakalavrlar tayyorlanmoqda.

Fakultet ilmiy faoliyati toʻgʻrisida maʻlumotlar

Muhandislik fakultetining quyidagi vazifalarni amalga oshirishga katta eʻtibor beriladi: yangi oʻquv dasturi asosida taʻlim sifatini yanada oshirish; talabalarning mustaqil ishlarini tashkil etish va rahbarlik qilish; uzluksiz amaliyot jarayonini yaxshilash; ishlab chiqarish, loyiha va ilmiy-tadqiqot institutlari bilan aloqani mustahkamlash; talabalar bilimiga baho berishda reyting usulini joriy etish va x. k.

Kafedralarda bajariladigan ilmiy - tadqiqot ishlariga iqtidorli talabalar muntazam jalb etilib kelinmoqda. Bajarilgan ilmiy-tadqiqot ishlari natijalari ilmiy anjuman va seminarlarda muhokama etilib, hisobotlarda va maqolalarda oʻz aksini topmoqda.

Fakultet professor-oʻqituvchilari jamoasi tomonidan monografiyalar, darsliklar, oʻquv qoʻllanmalar, uslubiy qoʻllanmalar yaratilmoqda. Respublika va xorij jurnallarida professor oʻqituvchilar ilmiy maqolalari muntazam chop etilib turadi.

Fakultet professor-oʻqituvchilari qurilish ilmi va uning natijalarini ishlab chiqarishga joriy qilish borasida ham muvaffaqiyatlarga erishmoqdalar. Ilmiy-tadqiqot ishlari Davlat grantlari asosida bajariladigan innovatsiya, amaliy tadqiqotlar va ishlab chiqarish tashkilotlari buyurtmasiga koʻra xoʻjalik shartnomalari shaklida olib borilmoqda. Buning natijasida kafedralar moddiy texnika taʻminoti yuksalmoqda, oʻqituvchilar ijtimoiy himoyalanmoqda va universitet xazinasiga ham sezilarli mablagʻ tushmoqda.

Fakultetda talabalarni vatanparvarlik ruhida tarbiyalashga jiddiy eʻtibor beriladi. Professor-oʻqituvchilar va murabbiylar har bir talabani komil inson qilib tarbiyalashga bor kuch-gʻayratlarini sarflamoqdalar. Fakultetda milliy qadriyatlar, milliy anʻanalar, bayramlar, sharqona urf-odatlar, udumlarga bagʻishlangan kechalar, yigʻilishlar, suhbatlar muntazam oʻtkaziladi. Taniqli adabiyot va sanʻat namoyandalari, shoirlar, bastakorlar, yozuvchilar, aktyorlar bilan ijodiy uchrashuvlar uyushtiriladi.

Fakultetning asosiy ilmiy yoʻnalishlari:

Mahalliy xom-ashyo va sanoat chiqindilari asosida qurilish materiallari, toʻldiruvchilar va ular asosida qurilish konstruksiyalar va devor panellarini loyihalash;

Mineral va polimer bogʻlovchilar asosida kompozitsion qurilish materiallari yaratish va tadqiq etish;

Kompozitsion qurilish materiallarining nano va mikrostrukturalarini xossalarini oʻrganish;

Mahalliy xom-ashyolar asosida modifikatsiyalangan bogʻlovchilar bilan koʻchuvchan qumlarni xossalarini yaxshilash va qoʻllash texnologiyasi;

Chiqindilar asosida olingan qumni qotiruvchi reagentlarning fizik-kimyoviy, struktura hosil qilish va reologik xossalarini oʻrganish;

Ikkilamchi xom-ashyo asosida yaratilgan import oʻrnini bosuvchi modifikatsiyalangan superplasifikator qoʻshilgan yuqori mustahkamlikka ega va yemirilishga bardoshli beton ishlab chiqarish texnologiyasini yaratish.

Fazoviy geodezik toʻrni barpo etish usullari va xatoliklarini matematik modellashtirish;

GNSS asosida geodezik tarmoqlarni optimallashtirish usullarini ishlab chiqish (konchilik obyektlari misolida);

Qurilish konstruksiyalarining shakli va fazoviy holatining parametrlarini aniqlashda geodezik usullarni takomillashtirish;

Global pozitsion sistemada aniqlangan planli geodezik toʻrlarni tenglashtirishda koordinatalar usulini qoʻllash;

Qishloq aholi punkti yerlarini baholashning uslubiyatini takomillashtirish (Toshkent viloyati Yuqori Chirchiq tumani misolida);

Gidrotexnik inshootlarning geodezik kuzatuv natijalarini tahlil qilish va deformatsiyasini prognozlash;

Qishloq aholi punktlari yerlarini monitoringini yuritish usullarini takomillashtirish (Toshkent viloyati misolida);

Oʻzbekiston Respublikasi aholi punktlarida GAT texnolgiyalarini yaratish uslubiyatini tadqiq qilish va ishlab chiqish;

Muqobil energiyadan foydalanish;

Energiya tejamkor muhandislik kommunikatsiyalari;

Gelioqurilmalar va ularning tuzilishi va foydalanish;

Suv taʻminoti tizimlarining tejamkor, ishonchli, takomillashgan usullarini tadqiq qilish hamda ulardan foydalanish;

Oqova suvlarni oqizish tizimlarining tejamkor, ishonchli, takomillashgan usullarini tadqiq qilish hamda ulardan foydalanish;

Geometriya va topologiya;

Differensial tenglamalar va matematik fizika tenglamalari;

Taʻlim va tarbiya nazariyasi va metodikasi (fizika);

Texnologik mashinalar. Robotlar, mexatronika va robototexnika tizimlari;

Elektr tizimlari va mashinalari.