Bo'limning asosiy vazifalari:

• universitetda korrupsiyaga oid huquqbuzarliklarni profilaktika qilish va ularga qarshi kurashish;
• universitetda “Korrupsiyasiz soha” loyihasini oliy ta’lim muassasasi miqyosida amalga oshirishga qaratilgan chora-tadbirlar ijrosini ta’minlash;
• universitetda korrupsiyaga qarshi kurash “komplaens- nazorat” tizimini joriy etish va uni amalga oshirish;
• universitetda korrupsiyaga oid xavf-xatarlar yuqori bo‘lgan yo‘nalishlar hamda korrupsiyaga oid huquqbuzarliklar sodir etilishining sabab va shart-sharoitlarini aniqlash;
• universitetda korrupsiya ko‘rinishlari namoyon bo‘lishiga olib keladigan tizimli muammolar va ularni bartaraf etish bo‘yicha tegishli takliflarni kiritgan holda axborot berib borish;
• universitetda korrupsiyaga oid huquqbuzarliklarning sabab va shart-sharoitlarini bartaraf etish hamda korrupsiyaga qarshi kurashish choralarining samaradorligini oshirishga qaratilgan dasturlar ijrosini ta’minlash;
• universitetda korrupsiyaga qarshi kurashishga yo‘naltirilgan jamoatchilik nazoratini muvofiqlashtirib borish, shuningdek zamonaviy usullar va axborot-kommunikatsiya texnologiyalari asosida korrupsiyaga qarshi monitoring olib borish;
• korrupsiyaga qarshi kurashish va jamoat nazorati sohasida umume’tirof etilgan xalqaro standartlar va xorijning ijobiy tajribasini o‘rganish hamda ilg‘or jihatlarni tatbiq etish bo‘yicha takliflar ishlab chiqish;
• universitetning ichki hujjatlarida aniqlangan korrupsiyaviy normalarni bartaraf qilish bo‘yicha takliflar ishlab chiqadi;
• davlat xaridlarini amalga oshirishda manfaatlar to‘qnashuvini tahlil qilishda va kontragentlarning ishonchliligini tekshirishda ishtirok etadi;
• universitet xodimlari o‘rtasida manfaatlar to‘qnashuvi monitoringini yuritadi va tegishli takliflar kiritadi;
• universitetning professor-o‘qituvchilari, boshqaruv, texnik, xizmat ko‘rsatuvchi, o‘quv-yordamchi xodimlari o‘rtasida muntazam ravishda profilaktik suhbatlar tashkil etib boradi;
• universitet faoliyatida korrupsiyaviy xolatlarni aniqlash maqsadida professor-o‘qituvchilar, boshqaruv, texnik, xizmat ko‘rsatuvchi, o‘quv-yordamchi xodimlar, talabalar (magistrantlar, doktorantlar, mustaqil izlanuvchilar) va aholi o‘rtasida so‘rovlar o‘tkazadi;
• so‘rovlar, ijtimoiy va boshqa tadqiqotlar asosida korrupsiyaga qarshi kurashish targ‘iboti bo‘yicha chora-tadbirlar natijalari va ta’sirini muntazam ravishda baholab boradi hamda keyingi chora-tadbirlarni belgilashda baholash natijalaridan foydalanadi;
• professor-o‘qituvchilar, talaba-yoshlar o‘rtasida korrupsiyaga qarshi kurashishga qaratilgan konferensiyalar, uchrashuvlar, seminarlar, tanlovlar tashkil etadi;
• universitetda korrupsiyaga qarshi kurashish sohasida qabul qilinayotgan chora-tadbirlarning samaradorligini baholaydi;
• universitetda korrupsiyaga oid huquqbuzarliklar sodir etilishining shart-sharoitlari va sabablarini o‘rganadi, shuningdek ularni bartaraf etish bo‘yicha takliflarni ishlab chiqadi;
• universitetning rasmiy veb-saytida “Korrupsiyaga qarshi kurashish” bo‘limidagi ma’lumotlarni muntazam ravishda yangilab borilishini ta’minlaydi;
• universitetda korrupsiyaning holati, tendensiyalari va sabablari hamda korrupsiyaga qarshi choralar ko‘rishning samaradorligi yuzasidan sotsiologik, ilmiy va boshqa tadqiqotlarni tashkil etish va takliflar ishlab chiqish.

Bo’limning funksiyalari:

Bo‘lim o‘ziga yuklatilgan vazifalarni bajarish maqsadida quyidagi funksiyalarni amalga oshiradi:

• korrupsiyaga qarshi kurashishga oid qonunlar, qonunosti hujjatlar va qarorlar ijrosi ustidan nazorat olib boradi;
• korrupsiyaning oldini olishga qaratilgan chora-tadbirlar va ish rejalarini ishlab chiqadi hamda ularning ijrosini ta’minlaydi;
• korrupsiya faktlari yuzasidan xizmat tekshiruvlari reestrini yuritadi;
• davlat xaridlari jarayonida manfaatlar to‘qnashuvini tahlil qilish va kontragentlar ishonchliligini tekshirishda ishtirok etadi;
• universitet xodimlari o‘rtasida manfaatlar to‘qnashuvi monitoringini amalga oshiradi;
• korrupsiyaviy xavf-xatarlarni baholaydi va ularni kamaytirish bo‘yicha chora-tadbirlar rejalarini ishlab chiqadi;
• xodimlar va talabalar o‘rtasida profilaktik suhbatlar, seminarlar, uchrashuvlar va konferensiyalar tashkil etadi;
• korrupsiyaviy holatlarni aniqlash maqsadida ijtimoiy so‘rovlar va tadqiqotlar o‘tkazadi;
• korrupsiyaga qarshi targ‘ibot ishlarining samaradorligini baholaydi;
• korrupsiyaga oid huquqbuzarliklar sodir etilishining sabab va shart-sharoitlarini o‘rganadi hamda ularni bartaraf etish bo‘yicha takliflar ishlab chiqadi;
• universitetning rasmiy veb-saytida “Korrupsiyaga qarshi kurashish” bo‘limidagi ma’lumotlarning muntazam yangilanib borilishini ta’minlaydi;
• har chorakda va zaruratga ko‘ra amalga oshirilgan ishlar bo‘yicha rektorga hamda Oliy ta’lim, fan va innovatsiyalar vazirligining Komplaens-nazorat va korrupsiyaga qarshi kurashish bo‘limiga hisobot taqdim etadi;
• davlat organlari, tashkilotlar va jamoatchilik bilan hamkorlikni yo‘lga qo‘yadi.

Korrupsiya va manfaatlar to‘qnashuviga oid masalalar yuzasidan axborot berish bo‘yicha aloqa kanallar:

Email: taqukorrupsiyakomolaens@gmail.com

Telefon: +998555080314

Telegram: @taqu_corruption_bot

Universitetda korrupsiya xolatiga duch kelsangiz bizga murojaat qiling. Shaxsingiz sir saqlanishi kafolatlanadi!