Kafedra faoliyati

Kafedra 1998 yilda "Suv ta’minoti va kanalizatsiya”, hamda "Issiqlik gaz ta’minoti va ventilyatsiya” kafedralari birlashuvi asosida tashkil topgan. Каfedra tashkil etilgandan buyon kafedrani 1998-2012 yillarda t.f.n., professor Yu.K.Rashidov, 2012-2016 yillarda t.f.n., dotsent E.S.Bo’riyev, hozirgi vaqtda kafedraga t.f.n., dotsent D.E.Mahmudova mudirlik qilmoqda. 2024 yil kafedra “Muhandislik kommunikatsiyalari” nomi bilan qayta tashkil etildi. Bugungi kunda kafedraning ilmiy salohiyati 59 foizni tashkil etadi. " Muhandislik kommunikasiyalari” kafedrasida 5 ta professor, 5 ta dotsent va 6 ta katta o‘qituvchi va 1ta assistent faoliyat ko‘rsatmoqda. Kafedra professor-o‘qituvchilari o‘qitishning ilg‘or pedagogik texnologiyalarini ishlab chiqish va qo‘llashda, informatsion texnoligiyalarni joriy etishda, ma’naviy-ma’rifiy va tarbiyaviy ishlarda hamda ilmiy tatqiqot ishlarida namuna ko‘rsatib kelmoqdalar.

Kafedra professor-o’qituvchilari tomonidan yangi pedagogik texnologiyalar asosida mashg’ulotlar olib borish yaxshi yo’lga qo‘yilgan. Ayni vaqtda, kafedra professor-o’qituvchilari tomonidan yangi darsliklar va o’quv uslubiy qo’llanmalar yaratish bilan birgalikda muhandislik kommunikatsiyalarining dolzarb sohalarida nazariy va amaliy tadqiqotlar olib borilmoqda. Kafedraning ilmiy izlanishlari bir qator oliy ta’lim muassasalari va ilmiy tekshirish institutlari bilan hamkorlikda olib borilmoqda. Olingan ilmiy-amaliy natijalar va xulosalar kafedra professor-o’qituvchilari tomonidan ilmiy anjuman va seminarlarda muhokama qilinmoqda hamda ilmiy maqolalar tarzida chop etilmoqda.