I. Falsafa doktori (PhD) ilmiy darajasi uchun izlanuvchilar faoliyati samaradorligining monitoringi quyidagi mezonlar boʻyicha amalga oshirish:

a) oʻqishning birinchi yilida:

dissertatsiya mavzusi boʻyicha tasdiqlangan yakka tartibdagi rejaning mavjudligi va uning bajarilishi;

ixtisoslik boʻyicha tasdiqlangan nazariy-metodologik dasturning mavjudligi va uning bajarilishi;

tegishli jurnallarida dissertatsiya mavzusi boʻyicha kamida bitta ilmiy maqolaning chop etilganligi;

ilmiy konferensiyada dissertatsiya mavzusi boʻyicha maʼruza bilan ishtirok etganligi;

dissertatsiya mavzusi boʻyicha tahliliy umumlashtiruvchi qisqacha maʼlumotning mavjudligi;

ilmiy tashkilot yoki taʼlim muassasasi seminarida dissertatsiya mavzusiga doir tahliliy umumlashtiruvchi qisqacha maʼlumot natijalari boʻyicha (ilmiy rahbar bilan birgalikda) maʼruza qilganligi;

Respublikada tashkil etilgan anjumanlar, seminarlar va tadbirlarda ishtirok etganligi:

 Respublika ilmiy anjumanlari

 Xalqaro konferensiyalar

 Seminarlar / treninglar

 Davra suhbatlari / forumlar

 Ishtirok etmagan; 

dissertatsiya mavzusi boʻyicha yakka tartibdagi rejasining bajarilishi boʻyicha xar chorakda hisobot berganligi;

Dissertatsiya tayyorlik foizlari:

1-chorak (0–3 oy): Dastlabki nazariy materiallar to‘planganligi.

2-chorak (4–6 oy): Dissertatsiyaning kamida 20% tayyorligi (asosiy nazariy asoslar).

3-chorak (7–9 oy): Dissertatsiyaning kamida 30% tayyorligi (nazariy-metodologik qism shakllangan).

4-chorak (10–12 oy): Dissertatsiyaning kamida 40% tayyorligi (asosiy boblardan biri yakunlangan).

b) oʻqishning ikkinchi yilida:

tegishli jurnallarida dissertatsiya mavzusi boʻyicha hisobot davrida chop etilgan kamida bitta ilmiy maqolaning mavjudligi;

dissertatsiya mavzusi boʻyicha hisobot davrida ilmiy konferensiya materiallarida kamida bitta chop etilgan maʼruza tezisining mavjudligi;

tegishli xorijiy jurnalda dissertatsiya mavzusi boʻyicha kamida bitta chop etilgan ilmiy maqola mavjudligi;

ilmiy tashkilot yoki taʼlim muassasasi ilmiy-tashkiliy boʻlinmasi (kafedra, laboratoriya, boʻlim, sektor) ilmiy seminarida dissertatsiya ishining dastlabki natijalari boʻyicha (mustaqil) maʼruza bilan ishtirok etganligi;

dissertatsiya mavzusi boʻyicha yakka tartibdagi rejasining bajarilishi boʻyicha xar chorakda hisobot berganligi;

Dissertatsiya tayyorlik foizlari:

1-chorak: Dissertatsiyaning kamida 50% tayyorligi (tahlil va tadqiqot uslublari bayon etilgan).

2-chorak: Dissertatsiyaning kamida 60% tayyorligi (ilmiy natijalar tahlil qilingan).

3-chorak: Dissertatsiyaning kamida 75% tayyorligi (natijalarning tahliliy umumlashtirilishi).

4-chorak: Dissertatsiyaning kamida 85% tayyorligi (xulosalar va tavsiyalar ishlab chiqilgan).

v) oʻqishning uchinchi yilida:

jurnallarda, shu jumladan xorijiy jurnallarda soni belgilangan talablarga muvofiq chop etilgan ilmiy maqolalari mavjudligi;

OAK talablariga muvofiq tayyorlangan tugallangan dissertatsiya ishi, avtoreferatining mavjudligi;

ilmiy tashkilot yoki taʼlim muassasasi ilmiy-tashkiliy boʻlinmalari majlislarida dissertatsiya va avtoreferatining koʻrib chiqilganligi va muhokama qilinganligi;

Malakaviy imtihonlarni (ixtisoslik va chet tili) topshirganlik haqida hujjatlar;

Dissertatsiya tayyorlik foizlari:

1-chorak: Dissertatsiyaning kamida 90% tayyorligi (tuzatishlar kiritilgan).

2-chorak: Dissertatsiya 100% tayyor va ilmiy rahbar tomonidan tasdiqlanganligi.

3-chorak: Dissertatsiya natijalari asosida kafedra ilmiy seminaridan o‘tkazganligi.

4-chorak: Himoyaga tavsiya etilganligi.

 

II. Fan doktori (DSc) ilmiy darajasi uchun izlanuvchilar faoliyatining samaradorligi monitoringi quyidagi mezonlar boʻyicha amalga oshiriladi:

a) oʻqishning birinchi yilida:

dissertatsiya mavzusi boʻyicha yakka tartibdagi rejaning mavjudligi va uning bajarilganligi;

dissertatsiyaning birinchi va ikkinchi boblari tayyorligi;

dissertatsiya mavzusi boʻyicha tegishli jurnallarda kamida uchta ilmiy maqola chop etilganligi;

dissertatsiya mavzusi boʻyicha respublika va xalqaro ilmiy konferensiyalar materiallarida kamida bitta maʼruza tezisi chop etilganligi;

dissertatsiya mavzusi boʻyicha ilmiy konferensiya yoki seminarda maʼruza qilganligi;

dissertatsiya mavzusi boʻyicha tahliliy sharhi;

dissertatsiya mavzusi boʻyicha tahliliy sharh natijalari boʻyicha seminarda soʻzga chiqqanligi;

Dissertatsiya tayyorlik foizlari:

1-chorak: Dissertatsiyaning kamida 10% tayyorligi (mavzu asoslangan, metodologiya ishlab chiqilgan).

2-chorak: Dissertatsiyaning kamida 20% tayyorligi (nazariy asoslar shakllantirilgan).

3-chorak: Dissertatsiyaning kamida 30% tayyorligi (asosiy ilmiy farazlar ilgari surilgan).

4-chorak: Dissertatsiyaning kamida 40% tayyorligi (birinchi va ikkinchi boblar yakunlangan).

b) oʻqishning ikkinchi yilida:

dissertatsiyaning uchinchi va toʻrtinchi boblari tayyorligi;

tegishli jurnallarda dissertatsiya mavzusi boʻyicha hisobot davrida chop etilgan kamida toʻrtta ilmiy maqola eʼlon qilinganligi (jumladan bittasi xorijda);

dissertatsiya mavzusi boʻyicha xalqaro va respublika ilmiy konferensiyalar materiallarida chop etilgan kamida bitta maʼruza tezisining mavjudligi;

dissertatsiya ishining dastlabki natijalari boʻyicha seminardan oʻtganligi;

konferensiya yoki seminarda maʼruza bilan qatnashganligi (kamida bir marta);

dissertatsiya mavzusi boʻyicha yakka tartibdagi rejaning bajarilishi toʻgʻrisidagi hisoboti;

Dissertatsiya tayyorlik foizlari:

1-chorak: Dissertatsiyaning kamida 50% tayyorligi (tahlil va tadqiqot natijalari mavjud).

2-chorak: Dissertatsiyaning kamida 60% tayyorligi (asosiy natijalar bayon etilgan).

3-chorak: Dissertatsiyaning kamida 75% tayyorligi (tahliliy umumlashtirish ishlari olib borilgan).

4-chorak: Dissertatsiyaning kamida 85% tayyorligi (natijalarning ilmiy jamoatchilik tomonidan muhokamasi o‘tkazilgan).

v) oʻqishning uchinchi yilida:

tegishli jurnallarda dissertatsiya mavzusi boʻyicha hisobot davrida chop etilgan kamida uchta ilmiy maqola eʼlon qilinganligi;

dissertatsiya natijalari boʻyicha (ijtimoiy-gumanitar fanlar boʻyicha) chop etilgan monografiyaning mavjudligi;

OAK talablariga muvofiq tayyorlangan tugallangan dissertatsiya ishi va avtoreferatning mavjudligi;

dissertatsiya yoki avtoreferatni ilmiy tashkilot yoki taʼlim muassasasi ilmiy-tashkiliy boʻlinmalarida koʻrib chiqilganligi va muhokama etilganligi.

Dissertatsiya tayyorlik foizlari:

1-chorak: Dissertatsiyaning kamida 90% tayyorligi (oxirgi tuzatishlar kiritilgan).

2-chorak: Dissertatsiya 100% tayyor va ilmiy rahbar tomonidan tasdiqlangan.

3-chorak: Dissertatsiya natijalari asosida kafedra ilmiy seminaridan o‘tkazganligi.

4-chorak: Himoyaga tavsiya etilganligi.