Kafedradagi o‘qituvchilar

Kafedra faoliyati

Kafedra 1964 yilda Toshkent Politexnika instituti tarkibidagi "Qurilish mexanikasi va inshootlar zilzilabardoshligi” kafedrasi zamirida tashkil topgan. Kafedradagi professor-o’qituvchilarining o’rtacha yoshi 52 yoshni tashkil etadi. Kafedra a’zolari 3 ta fan bo’yicha bakalavrlarga, 7 ta fan bo’yicha magistratura mutaxasisligiga  ma’ruzalar o’qiydi. Darslar o’zbek, rus va ingliz tillarida olib boriladi.

Bugungi kunda kafedra tarkibini 13 nafar professor-o‘qituvchilar tashkil etadi, jumladan, 1 nafar fizika-matematika fanlari doktori, professor, 3 nafar texnika fanlari nomzodi, dotsent, 2 nafar dotsent v.v.b., 3 nafar katta o‘qituvchi hamda 4 nafar assistentlar faoliyat yuritmoqda. Ular: fizika-matematika fanlari doktori, professor R.A. Abdikarimov, dotsentlar  Z.S. Shadmanova, M.Q. Nazarova, A.T. Buriyev, dotsent v.v.b. lar B.K. Raxmanov va X.K. Jabborova, katta o‘qituvchilar A.R. Rasulev, Z.S. Umarova, G.A. Maksudova, A.K. Xoltayeva, F.A. Tashmuhamedova, assistentlar X.X. Raxmanova va N.Sh. Arifjanovalardir.

Kafedra xodimlari nafaqat o‘quv jarayonida, balki ilmiy-tadqiqot ishlarida ham faol ishtirok etmoqdalar. Ular respublikamizdagi va xalqaro ilmiy anjumanlarda o‘zlarining ilmiy izlanishlari natijalarini muntazam ravishda taqdim etib kelmoqdalar. Kafedrada yosh mutaxassislarni tayyorlashga katta e’tibor qaratiladi.

Professor-o‘qituvchilar bakalavriatura yo’nalishlari uchun "Nazariy mexanika, Materiallar qarshiligi, Qurilish mexanikasi”,  “Qurilish mexanikasi” va "Bino va inshootlar zilzilabardoshligi”; 70730306 –Бино ва иншоотлар зилзилабардошлиги магистратура мутахассислигига "Bino va inshootlar zilzilabardoshligi (maxsus kurs)”, ” Inshootlar dinamikasi va ustuvorligi”, ”Injenerlik seysmologiyasi”, ”Bino va inshootlarni zilziladan aktiv ximoya qilish sistemalari ”, ”Elastiklikka va plastiklik nazariyasi”, ”Qurilish konstruksiyalarining ishonchlilik nazariyasi”   fanlaridan institut talabalariga har tomonlama chuqur bilim berib kelmoqdalar.

Kafedraning ilmiy mavzusi: "Bino, inshootlar va arxitektura yodgorliklari mustahkamligi va zilzilabardoshligi”,”Katta deformatsiyalarni e’tiborga olgan holda o’zgaruvchi qalinlikka ega bo’lgan qovushqoq-elastik yupqa devorli konstruksiyalarning dinamik hisobi nazariyasi va usullarini rivojlantirish”

1999-2016 yillarda kafedraning yetakchi mutahassislari prof. K.S.Abdurashidov va dots. S.A.Saidiylar rahbarligida 4 ta innovatsiya, 6 ta amaliy tadqiqotlar va xo‘jalik shartnomasi asosida 200 mln. so‘mdan ortiq hajmda ilmiy-tadqiqot ishlari bajarildi.

Kafedra rahbariyati ilmiy daraja va unvonli pedagog olimlar safini kengaytirishga ham jiddiy kirishgan. So‘nggi yillarda kafedra xodimlaridan N.D.To‘ychiyev, A.A.Amosov doktorlik dissertatsiyalarini, L.Meliboyev, A. Raximov, A.O‘rinboyev, Z. Abdukarimov va Z.S.Shadmanovalar esa nomzodlik dissertatsiyalarini himoya qildilar. 2017 yilda esa kafedra professor-o’qituvchisi Yuvmetov A. PhD darajasi dissertatsiyasini yoqladi. Kafedraning yetakchi mutaxassislari prof. K.S.Abdurashidov, dots. S.A.Saidiy, dots. M.Q.Nazarova va dots. Z.S.Shadmanovalar rahbarligida iqtidorli talabalar 20 dan ortiq bakalavrlik malakaviy bitiruv ishi hamda 20 ta magistrlik dissertatsiyalarini muvaffaqiyatli himoya qildilar.

Ta’lim-tarbiyali, ma’naviy barkamol kadrlar tayyorlash hamda ilmiy izlanishlar borasida kafedra a’zolari yanada faolroq va unumliroq mehnat qilishga harakat qilmoqdalar.

2021-yildan boshlab mazkur kafedrada f.-m.f.d., professor R.A. Abdikarimov ish faoliyatini boshladi. U o‘z sohasida chet el olimlari bilan hamkorlikda ilmiy-tadqiqot ishlarini bajarib, sohaning taniqli olimlari bilan hammualliflikda ilmiy maqolalar chop ettirib kelmoqda. R. Abdikarimovning ilmiy tadqiqot ishlari deformatsiyalanuvchan qattiq jism mexanikasining eng dolzarb muammolaridan biriga bag‘ishlangan bo‘lib, nazariy jihatidan hamda yechish usullari borasida salmoqli ravishda rivojlantirmoqda