Saydaliev Saydkarim Saydinabievich

Muhandislik grafikasi kafedrasi

Saydaliev Saydkarim Saydinabievich

Pedagogika fanlari nomzodi, professor

Kafedra mudiri

s.saydaliyev@taqu.uz

09:00 & 17:00

100194, Toshkent shahar, Yunusobod tuman, Yangishahar ko'chasi, 9A-uy

1991-yilda TashPI tarkibidan chiqib, Toshkent arxitektura-qurilish inistituti tashkil etilgan, shu jumladan “Chizma geometriya va muhandislik grafikasi” kafedrasi kunduzgi va kechki ta’lim bo‘limlaridagi o‘qituvchilaridan tashkil etilgan.

Chizma geometriya va injenerlik grafikasi fanlaridan talabalarga malakali bilim berishni tashkil qilish maqsadida 1991 yil 1 iyulda institut tarkibida “Chizma geometriya va qurilish chizmachiligi” kafedrasi tashkil etilgan va unga texnika fanlari nomzodi, dotsent Mirxamidov D.X. rahbar etib tayinlangan.

Kafedra 2006-11 yillar «Informatika va axborot texnologiyalari” kafedrasi bilan birlashtirilgan va “Informatika va kompyuter grafikasi” kafedrasi nomi berilgan.

2011 sentyabr oyidan “IKG” kafedrasi bo‘lindi va “Chizma geometriya va kompyuterda loyihalash” kafedrasi alohida faoliyat ko‘rsata boshladi. Toshkent arxitektura-qurilish instituti kengashi Qaroriga asosan kafedra “Muhandislik grafikasi va kompyuterda loyihalash” kafedrasi deb nomlangan.

2016 yildan boshlab “Chizma geometriya va kompyuterda loyihalash” kafedrasi mudiri p.f.n., dotsent S.S.Saydaliyev etib tayinlangan.

2023-yil avgustdan Toshkent arxitektura-qurilish instituti kengashi Qaroriga asosan “Muhandislik grafikasi va kopyuterda loyhalash” kafedrasi “Axborotlar texnrologiyasi” kafedrasiga qo‘shildi.

O‘zbekiston Respublikasi Prezidentining 2022-yil 8-noyabrdagi PQ-416-son qarori va Universitet Kuzatuv kengashi qaroriga asosan “Axborotlar texnrologiyasi” kafedrasidan ajralib “Muhandislik grafikasi” kafedrasi tashkil etilgan.

1991-2016 yillar mobaynida texnika fanlari nomzodi, dotsent D.X. Mirxamidov, 2016-2023 pedagogika fanlari nomzodi, professor S.S.Saydaliyev kafedraga rahbarlik qildi.

2024-yil dekabr oyidan hozirgi kunga qadar pedagogika fanlari nomzodi, professor S.S.Saydaliyev “Muhandislik grafikasi” kafedrasida rahbarlik qilmoqda.

“Muhandislik grafikasi” kafedrasida bugungi kunda 3 nafar fan doktori va professor, 12 nafar fan nomzodlari va dotsentlar, 3 nafar katta o’qituvchilar hamda 3 nafar assistentlar faoliyat ko’rsatib kelmoqdalar. Bugungi kunda kafedraning ilmiy salohiyati 58,3% foizni tashkil etadi. Ushbu professor-o‘qituvchilar tomonidan hozirgi kungacha “Chizma geometrya va muhandislik grafikasi”, “Qurilish chizmachilik”, “Perspektiva”, “Digital loyihalash (AUTO CAD, Scetch up, Revit )”, “Chizmachilik”, “Arxitekturaviy qalamtasvir, rangtasvir va haykaltaroshlik”, “Dekorativ haykaltaroshlik”, “Qalamtasvir”, “Rangtasvir”, “Pedagogika”, “Psixologiya”, “Ta’limda innovatsion texnologiyalar”, “Kreativ fikrlash”, “Nutq madaniyati” fanlariga oid bir qancha darslik, o‘quv qo‘llanmalar, uslubiy ko‘rsatmalar, monografiyalar va ilmiy maqolalar nashr etilgan.

Hozirgi kunda kafedrada 60110500 – Tasviriy san’at va muhandislik grafikasi ta’lim yo‘nalishlari bo‘yicha bakalavr, mutaxassisliklari tayyorlab kelinmoqda.

Kafedra professor-o‘qituvchilari universitetda o‘qitilayotgan talabalarga 40 dan ortiq fanlardan ta’lim berib kelmoqdalar. Kafedrada o‘quv jarayoni zamonaviy darslik va o‘quv adabiyotlari bilan ta’minlangan. So‘nggi uch yilda fanlardan 25 dan ortiq darslik, 35 dan ortiq o’quv qo’llanmalar 10 ta monografiyalar nashr etildi. Kafedra professor-o‘qituvchilari tomonidan o‘qitiladigan barcha fanlardan o‘quv uslubiy majmualar yaratilib, o‘quv jarayoniga joriy qilindi va elektron adabiyot shaklida talabalarga yetkazildi.

Kafedra olimlari O‘zbekistonda hamda Toshkent arxitektura-qurilish universitetida arxitektura sohalarini ta’lim va tarbiya nazariyasiga oid rivojlantirish, o‘qitish metodikasiga bog‘liq ilmiy-nazariy va didaktik imkoniyatlarni takomillashtirish mavzularida ilmiy-tadqiqot ishlari olib bormoqdalar.

Kafedrada o‘qitiladigan fanlar asosan fundamental fanlar bo‘lib pedagogic va texnik OTMlari bilan innovatsion korparativ hamkorlikni rivojlantirish maqsadida har yili 10 dan ortiq qurilish tashkilotlari bilan xo’jalik shartnomalari asosida ilmiy hajmdor ishlar bajarib kelinmoqda.

Kafedrada qoshida “Grafika” va “Tasviriy san’at” o‘quv kurslari tashkil etilgan bo‘lib, universitet talabalari o‘quv kurslarda faol ishtirok etishmoqda.

Talabalarni amaliyotga yo‘naltirish maqsadida “Yunusobod tumani 250-son umumta’lim maktabi”, “Yunusobod tumani 250-son umumta’lim maktabi” bilan hamkorlikda dual ta’lim yo‘lga qo‘yildi.

Kafedraning iqtidorli talabalari Chizma geometry va muhandislik grafikasi, Kompyuter grafikasi, Tasviriy san’at fanlaridan muntazam ravishda o’tkaziladigan Respublika fan olimpiadalarida muvoffaqiyatli ishtirok etib kelmoqda. Shu bilan birga bir qancha Prezident va nomdor stipendiyalarilariga sazovor bo’lishmoqda.