Mazkur to‘garak talaba-qizlarning ijodiy qobiliyatini rivojlantirish, amaliy ko‘nikmalarini oshirish hamda bo‘sh vaqtlarini mazmunli tashkil etish maqsadida o‘tkazildi.
Mashg‘ulot davomida ishtirokchi qizlar o‘zlarining mahorat va ijodkorlik salohiyatlarini namoyon etib, turli xil meva va sabzavotlardan kokteyllar tayyorlash, mahsulotlarga badiiy ishlov berish hamda karving san’atining nozik jihatlarini o‘rgandilar.
Tadbir davomida yaratilgan kompozitsiyalar qizlarning estetik didi, yangicha fikrlashi va amaliy ko‘nikmalarini namoyon etib, ishtirokchilarda jamoada ishlash, tashabbuskorlik va ijodiy yondashuvni shakllantirishga xizmat qildi.
“Mohir qo‘llar” to‘garagi talaba-yoshlarning qiziqishlarini qo‘llab-quvvatlash, ularning iste’dod va imkoniyatlarini ro‘yobga chiqarishda muhim ahamiyat kasb etmoqda.