Suhbatga tarixchi olimlardan Mirzo Ulugʻbek nomidagi Oʻzbekiston Milliy universiteti "Jahon tarixi" kafedrasi professori, tarix fanlari doktori (DsC) Tursunov Ravshanbek Normurodovich va Turin Politexnika universiteti "Iqtisodiyot va Gumanitar" kafedrasi professori, tarix fanlari doktori (DsC) Raximova Gulchehra Sobirjonovnalar taklif etildi. Tursunov Ravshanbek Normurodovich tadbirda soʻzga chiqib, soha mutaxassisi sifatida Oʻzbek xalqining milliy davlatchilik tarixi, Jadidchilik harakati va buyuk tariximizning boshqa sahifalar toʻgʻrisida ma'ruza qildi. Shundan soʻng, talabalar oʻzlarini qiziqtirgan savollarga batafsil javoblar oldi. Raximova Gulchehra Sobirjonovna esa "Milliy qadriyatlar tarixi" mavzusida oʻzining qiziqarli taqdimoti bilan uchrashuvni davom ettirdi.Oʻziga xos yuqori ruhda oʻtgan tadbir talabalarda katta ta'surot qoldirdi.