Toshkent arxitektura-qurilish universitetining 2-bosqich “Restavratsiya”, “Arxitektura” va “Urbanistika” yo‘nalishlari talabalari uchun “Arxitektura yodgorliklari” kafedrasi professor-o‘qituvchilari rahbarligida o‘quv malakaviy o‘lchov amaliyotlari tashkil etildi.

Mazkur amaliyot doirasida talabalar quyidagi tarixiy va madaniy meros ob’ektlarida amaliy ishlarni olib bormoqda:

Samarqand shahri: Ishratxona, Registon majmuasi

Buxoro shahri: Revgangaron va Quyi xonaqoh guzari masjidlari

Toshkent shahri va Toshkent viloyati: Hazrati Imom majmuasi, Ko‘kaldosh masjidi

Amaliyot davomida talabalar nafaqat o‘lchov ishlarini bajarishmoqda, balki ushbu tarixiy obidalar bilan yaqindan tanishish, ularning me’moriy xususiyatlarini o‘rganish hamda ekskursiyalar orqali ilmiy-nazariy bilimlarini mustahkamlash imkoniga ega bo‘lmoqdalar.