Toshkent arxitektura-qurilish universitetida oliy ta’limdan keyingi ta’lim tizimida tahsil olayotgan izlanuvchilarning ilmiy faoliyatini baholashga qaratilgan chorak monitoring jarayonlari bo‘lib o‘tdi. Monitoring davomida izlanuvchilarning dissertatsiya mavzusi doirasidagi ilmiy izlanishlar holati, amalga oshirilgan ishlar, erishilgan natijalar hamda kelgusidagi rejalar atroflicha muhokama qilindi. Ilmiy rahbarlar tomonidan izlanuvchilarning faoliyatiga doir tegishli tavsiyalar berildi. Monitoring natijalari asosida ilmiy izlanishlarning sifatli va o‘z vaqtida yakunlanishini ta'minlash maqsadida zarur chora-tadbirlar belgilandi.