Toshkent arxitektura-qurilish universiteti Menejment fakulteti Iqtisodiyot va Menejment yo‘nalishlari talabalari uchun “Raqamlashtirish davrida samarali ishga joylashish strategiyalari: intervyu strategiyalari, xalqaro kompaniyada muvaffaqiyatli intervyu topshirish” mavzusida onlayn mashg‘ulot o‘tkazildi. Mazkur mashg‘ulot Plexanov nomidagi Rossiya Iqtisodiyot universiteti lektori Armine Eduardovna hamda Toshkent arxitektura-qurilish universiteti  Xorijiy tillar kafedrasi mudiri Xilola Zakirova tomonidan tashkil etildi. Dars davomida talabalar raqamli texnologiyalar va global ish bozorida muvaffaqiyatli ishga joylashish uchun zarur bo‘lgan asosiy ko‘nikmalar va strategiyalar bilan tanishtirildi. Xususan, xalqaro kompaniyalarda intervyu topshirishning samarali usullari, ingliz tilidagi muloqot madaniyati, global ish muhitiga moslashish kabi mavzular atroflicha muhokama qilindi. Armine Eduardovna talabalar uchun intervyu jarayonida o‘z bilim va tajribalarini aniq hamda samarali tarzda taqdim etish bo‘yicha amaliy tavsiyalar berdi. Mashg‘ulotda bugungi kunda raqamli ko‘nikmalarga ega bo‘lish, onlayn portfellardan foydalanish va xalqaro tarmoqlarda faoliyat yuritish imkoniyatlari ishga joylashishda muhim ahamiyat kasb etishi alohida ta’kidlandi.