Toshkent arxitektura-qurilish universitetida arxitektura va qurilish sohasidagi tajribali mutaxassislar bilan talabalar oʻrtasida bilim almashish maqsadida “Ustoz-shogird” an’analari doirasida uchrashuv bo'lib o'tdi. Unda  “Qishloqqurilishloyiha” DM boshqarmasi boshligʻi, Faxriylar kengashi aʼzosi, sohada 50 yilga yaqin tajribaga ega boʻlgan Urazayeva Alla Vasilyevna ishtirok etdi. Urazayeva Alla Vasilyevna oʻzining keng tajribasini talabalar bilan baham koʻrib, zamonaviy arxitektura tamoyillari, turar joy va ijtimoiy ob’ektlarni loyihalashda shaharsozlik meʼyorlariga rioya qilishning ahamiyati haqida tushuntirishlar berdi. Shuningdek, “Qishloqqurilishloyiha” DM boshqarmasi tomonidan amalga oshirilgan loyihalar va ularning natijalari haqida maʼlumotlar ulashildi. Tadbir davomida talabalar bilan mavzuga oid savol-javoblar oʻtkazilib, ularning kasbiy bilimlarini oshirishga qaratilgan qiziqarli masalalar muhokama qilindi.