Toshkent arxitektura-qurilish universitetida “Ustoz-shogird” an'analari doirasida ochiq muloqot va davra suhbati tashkil etildi.

Tadbirda “12-trest” AJ 2-son PМК (Ko‘chma mexanizatsiyalashgan kolonna) bosh muhandisi, ko‘p yillik ish tajribasiga ega mutaxassis Najmiddinov Jamshid Xotamovich ishtirok etdi. U hozirda mazkur trest hamda Faxriylar kengashi faxriysi Sh. Shoazizvoning shogirdi hisoblanadi. Suhbat davomida 2-son PMK tomonidan nafaqat Toshkent shahrida, balki O‘zbekiston Respublikasining turli hududlarida amalga oshirilgan yirik qurilish loyihalari haqida ma’lumot berildi.

Jumladan:

“Bunyodkor” stadioni qurilishi,

Oliy Majlis Senati va Qonunchilik palatasi binosi,

“Yangi Toshkent” loyihasi,

Shuningdek, boshqa yirik infratuzilma va bino-inshootlar qurilishi.

Shuningdek, ishtirokchilarga qurilish-montaj ishlarini bajarishda texnologik talablarga rioya etish, poydevor va yuk ko‘taruvchi konstruksiyalarni loyihalash hamda qurilish jarayonida xavfsizlikni ta’minlash borasida ma’lumotlar berildi.