Toshkent arxitektura-qurilish universitetining Xalqaro aloqalar bo‘limi universitetning xalqaro faoliyatini tashkil qilish, rivojlantirish va muvofiqlashtirish vazifalarini bajaradi. Bo‘lim xorijiy oliy ta’lim muassasalari, ilmiy markazlar, elchixonalar va boshqa xalqaro tashkilotlar bilan hamkorlik aloqalarini yo‘lga qo‘yish, mavjud shartnomalar asosida ilmiy-akademik almashinuv dasturlarini amalga oshirishda ishtirok etadi.

Bo‘lim universitet professor-o‘qituvchilari, talabalar va tadqiqotchilarning xorijda ta’lim olish, malaka oshirish, konferensiya va seminarlar ishtirok etishini tashkillashtirish bilan shug‘ullanadi. Xalqaro aloqalar bo‘limi o‘z faoliyatini O‘zbekiston Respublikasi qonunlari, Prezident qarorlari va xalqaro huquqiy-me’yoriy hujjatlarga asoslangan holda amalga oshiradi.

Asosiy vazifalar

• Xalqaro hamkorlikni rivojlantirish va xorijiy tashkilotlar bilan shartnomalar tuzish.
• Talabalar va o‘qituvchilarni xalqaro almashinuv dasturlarida ishtirok etishini ta’minlash.
• Xorijiy oliy ta’lim muassasalari bilan qo‘shma ta’lim dasturlarini ishlab chiqish.
• Universitetda o‘tkaziladigan xalqaro konferensiyalar, seminarlar va forumlarni tashkil etish.
• Universitetning xalqaro reytinglarda ishtirokini ta’minlash va reyting ko‘rsatkichlarini yaxshilash.
• Xorijlik professor-o‘qituvchilar va talabalarni universitetga jalb qilish.
• Universitetning xalqaro faoliyati bo‘yicha statistik hisobotlar tayyorlash va yuqori tashkilotlarga taqdim etish.
• Xalqaro grantlar va loyihalarda universitet ishtirokini kengaytirish.
• Universitetning veb-sayti va ijtimoiy tarmoqlarda xalqaro hamkorlik faoliyati haqida ma’lumotlar berib borish.

Xalqaro aloqalar bo‘limi universitetning global miqyosdagi raqobatbardoshligini oshirishda va xalqaro ilmiy-ta’lim maydonida o‘z o‘rnini mustahkamlashda muhim rol o‘ynaydi.