Bo'lim faoliyati

Yosh avlodning ma’naviy kamolotini ta’minlash, ularni vatanparvarlik, milliy va umuminsoniy qadriyatlarga sadoqat ruhida tarbiyalash, madaniy-ma’rifiy tadbirlarni tashkil etish hamda ijtimoiy faolligini oshirishga qaratilgan ishlarni amalga oshiradi. Bo‘lim yoshlarning intellektual va ijodiy salohiyatini rivojlantirish, ularni ilm-fan, san’at va sportga jalb etish bo‘yicha turli loyihalar va tashabbuslarni yo‘lga qo‘yadi.

Asosiy vazifalar

• O‘zbekiston Respublikasi qonunlari, Prezident farmonlari, qaror va farmoyishlari, Oliy Majlis palatalari va Vazirlar Mahkamasining ta’lim va kadrlar tayyorlash sohasidagi qarorlari, Oliy va o‘rta maxsus ta’lim vazirligining me’yoriy-huquqiy hujjatlari va ko‘rsatmalarini amalga oshirishni tashkil etish;
• OTMda Davlat ta’lim standartlari asosida ta’lim-tarbiya va ma’naviy-ma’rifiy ishlarni tashkil etishni ta’minlash;
• yuqori tashkilotlarning buyruq, farmoyish va ko‘rsatmalarini, ma’naviy-ma’rifiy jarayonlariga oid masalalar bo‘yicha Ijtimoiy majburiyatni olishi, OTM Kengashi qarorlari va rektor buyruqlari ijrosini tashkil etish;
• talaba-yoshlarning ijtimoiy faolligini kuzatib borish va mutasaddi tashkilotlar (IIV, Milliy gvardiya, Bosh prokuratura, DXX, FVV, Mahalla va nuroniylarni qo‘llab-quvvatlash vazirligi, Xotin-qizlar qo‘mitasi, Yoshlar ishlari agentligi va boshqalar) bilan hamkorlikda ishlarni tashkil etish;
• moddiy jihatdan kam ta’minlangan, mahalliy hokimiyatlarda “Ijtimoiy himoya yagona reestri” axborot tizimi orqali ro‘yxatga olingan “Temir daftar”, “Yoshlar daftari”, “Ayollar daftari” hamda “Mehr daftari”ga kiruvchi, ko‘p bolali oilalardan chiqqan talabalarning moddiy ahvolini aniqlash va ularni ijtimoiy muhofaza qilish bo‘yicha muntazam ishlar olib borish;
• talabalarning ota-onalari, mahalliy hokimiyatlar, xayriya jamg‘armalari, mahallalardagi Yoshlar yetakchilari bilan fakultetlarning hamkorlikda olib boradigan ishlarini tashkil etish va nazorat qilish;
• OTM sport-sog‘lomlashtirish, maishiy xizmat, ovqatlanish, dam olish, madaniy hordiq chiqarish tizimlarining uzluksiz va sifatli ishlashishini ta’minlash masalalarini nazorat qilish;
• OTMga biriktirilgan MFY va maktablar bilan hamkorlikda ma’naviy-ma’rifiy, tarbiyaviy ishlarni tashkil etish, sport musobaqalarini uyushtirish, iqtidorli yoshlarni o‘z qiziqishlari bo‘yicha sohaga yo‘naltirish;
• OTM professor-o‘qituvchilarining “Bir mahallaga – bir ziyoli ma’naviy homiy” tamoyili asosida joylarda aholi bilan suhbatlar uyushtirish;
• fakultet va kafedralarning yillik faoliyati hisobotlarini o‘tkazish, tahlil qilish va xulosalar chiqarish, professor-o‘qituvchi va tyutorlarning ma’naviy-ma’rifiy ishlarini baholashni amalga oshirish;
• sohada uzoq vaqt faoliyat yuritgan tabarruk, fidoyi insonlar bilan talaba-yoshlarning uchrashuvlarini tashkil etish;
• yuksak ma’naviy-axloqiy fazilatli, mustaqil fikrlashga qodir, yuqori ma’lumotli, malakali kadrlar tayyorlashni ta’minlash;
• ijtimoiy-gumanitar fanlar kafedralari faoliyatini muvofiqlashtirish hamda ularni OTMning ma’naviy-ma’rifiy ishlarida faol qatnashishlarini ta’minlash;
• iqtidorli yoshlarni qidirish, saralash va ular bilan ishlash jarayonlarini boshqarish va ularga ko‘maklashish, talaba va yoshlar orasidagi O‘zbekiston Respublikasi Prezidenti, Navoiy, Beruniy, Ulug‘bek, Ibn Sino va boshqa nomdagi nufuzli davlat  stipendiyalari sovrindorlarini tayyorlash jarayonini boshqarish;
• OTM “Odob-axloq kodeksi” va “Ichki tartib qoidalari”ni buzgan talabalar, professor-o‘qituvchi hamda xodimlarga nisbatan chora ko‘rish, ular bilan shartnomani bekor qilish bo‘yicha takliflar kiritish;
• yoshlar yetakchilari va “Talabalar kengashi” faoliyatini muvofiqlashtirish, yoshlar muammolari va takliflari yuzasidan rektorga ma’lumot kiritish;
• OTM tarkibiy tuzilmalariga yo‘nalishdagi vazifaning mohiyatidan kelib chiqqan holda topshiriq berish, uning ijrosini talab qilish, shuningdek, mazkur yo‘nalishda berilgan topshiriqlarni bajarmagan yoki e’tiborsiz munosabatda bo‘lgan xodimlarga nisbatan tegishli choralar ko‘rish bo‘yicha rektorga taqdimnoma kiritish;
• OTM “Ma’naviyat va ma’rifat kengashi” hamda ijtimoiy-gumanitar fanlar kafedralari faoliyatini muvofiqlashtirish bo‘yicha rektorga takliflar berish;
• OTMda professor-o‘qituvchi va xodimlarni ishga qabul qilishda bevosita ishtirok etish;
• OTM tyutorligiga munosib nomzodlarni taqdim etish va ularni ishga qabul qilish hamda lavozimidan ozod etishda o‘z takliflari bilan ishtirok etish;
• OTM ma’naviy-ma’rifiy ishlarida faollik ko‘rsatgan professor-o‘qituvchilarga qo‘shimcha ustama va rag‘batlantirish choralari, shuningdek, ushbu yo‘nalishdagi ishlarda sustkashlikka yo‘l qo‘ygan xodimlarga nisbatan ustamalarni bekor qilish yuzasidan rektorga takliflar kiritish;
• talabalar ongiga milliy g‘oyani singdirish, ma’naviy-axloqiy tarbiya ishlarini olib borishning amaliy, ta’sirchan mexanizmlarini shakllantirish, ma’naviy-ma’rifiy jarayonni boshqarish va izchil takomillashtirib borish;
• talabalarning o‘qishdan chetlashtirish holatlarini o‘rganish, taklif berish va muhokama qilish;
• ma’naviy-ma’rifiy ishlarning joriy va istiqbolli rejalarini ishlab chiqish hamda ularning qat’iy amalga oshirilishini nazorat qilish tizimini vujudga keltirish;
• ma’naviy-ma’rifiy ishlar tizimi uchun zarur me’yoriy hamda uslubiy hujjatlarni, amaliy tadbirlar rejalarini ishlab chiqish;
• O‘zbekiston Respublikasi Prezidenti va hukumati tomonidan qabul qilingan farmon va qarorlar mazmun-mohiyatini talabalarga, professor-o‘qituvchilarga o‘z vaqtida tushuntirish ishlarini tashkil qilish. Buning uchun doimiy huquqiy savodxonlikni oshirish bo‘yicha maxsus kurslar tashkil etish, turli mavzulardagi ma’naviy-ma’rifiy uchrashuvlar, bahs-munozaralar, muloqotlar, suhbatlar, savol-javob kechalarini uyushtirish;
• talabalarning bo‘sh vaqtlarini mazmunli va samarali o‘tkazishni tashkil etish, OTMda 5 muhim tashabbusni amalga oshirish;
• OTMda talabalar turar joylariga talabalarni joylashtirish bo‘yicha komissiya raisi sifatida uning tarkibiga fakultet dekanlari, Yoshlar yetakchisi, OTM Xotin-qizlar qo‘mitasi raisi, talabalar turar joylari direksiya rahbarlarining a’zoligini ta’minlash;
• OTM talabalar turar joylarida yashayotgan talabalar ehtiyojiga har tomonlama javob beruvchi sharoitlarni muntazam nazorat qilish, turli uchrashuv hamda tadbirlar tashkil etilishini muvofiqlashtirish;
• ijarada, yaqin qarindoshlari va o‘z xonadonida yashovchi talabalarning darsdan bo‘sh vaqtini mazmunli o‘tkazishni tashkil etish hamda nazorat qilish;
• Oliy ta’li, fan va innovatsiyalar vazirligining ma’naviy-ma’rifiy masalalar bo‘yicha qabul qilgan hujjatlarini OTM jamoasiga o‘z vaqtida yetkazish va ulardagi tadbirlar bajarilishini ta’minlash;
• OTMdagi ma’naviy-ma’rifiy masalalar bo‘yicha amalga oshirilayotgan ishlarni muntazam OAVda, ijtimoiy tarmoqlarda yoritib borish, mamlakatimizda amalga oshirilayotgan islohotlar yuzasidan fikr-mulohazalar bildirish;
• vazirlikning ma’naviy-ma’rifiy masalalar bo‘yicha qabul qilgan hujjatlarini OTM jamoasiga o‘z vaqtida yetkazish va ulardagi tadbirlar bajarilishini ta’minlash;
• tizimda korrupsiyaga qarshi kurash ishlarini muvofiqlashtirish, “Komplaens nazorat” bo‘limi bilan hamkorlikda ishlash;
• OTM professor-o‘qituvchilari va talabalari o‘rtasida jamiyatni erkinlashtirish talablariga mos ijtimoiy muhitni shakllantirish uchun kerakli sharoitlarni yaratish;
• talaba-yoshlar o‘rtasida O‘zbekiston Respublikasi “Ta’lim to‘g‘risida”gi qonuniga tayangan holda milliy ruh va umumbashariy qadriyatlarga asoslangan demokratik tamoyillarni qaror toptirish orqali inson huquqlari va qadr-qimmatini ulug‘lash hamda mustaqil fikrlovchi yoshlarni tarbiyalashga yo‘naltirilgan ma’naviy-axloqiy tarbiya dasturini amalga oshirish;
• har bir talaba-yoshning yurt tinchligi, el saodatiga xizmat qiluvchi intilish, izlanish va tashabbuslarini qo‘llab-quvvatlash orqali inson-jamiyat-davlat tamoyilini muntazam targ‘ib etish;
• OTM talabalarini vatanga sadoqat, ona-diyorga mehr-muhabbat, ozod va obod vatan barpo etishdek ulug‘ va olijanob maqsadga e’tiqod, jasurlik va fidoyilik ruhida tarbiyalash, jinoyatchilikning oldini olishga mo‘ljallangan targ‘ibot-tashviqot ishlarini amalga oshirish;
• barcha fakultetlarda ma’naviy muhitni, professor-o‘qituvchilar, xodimlar va talababay ishlab, ularning intilishi va muddaolarini hisobga olgan holda ijobiy an’ana va tashabbuslarni qo‘llab-quvvatlash, ijtimoiy so‘rovnomalar o‘tkazish;
• talabalarni binoga kirish va chiqish, yo‘laklarda yurish, dars mashg‘ulotlarida o‘tirish, jihozlarga nisbatan qanday muomalada bo‘lish tartibini tushuntirish ishlarini nazoratga olish;
• pedagog-xodim va talabalarning yurish-turishi, kiyinishi, uyali telefonlardan foydalanishini nazoratga olish, tartibga rioya qilmaganlar bilan tushuntirish ishlari olib borish, intizomiy choralar ko‘rishga taklif berish;
• talaba, xodim va professor-o‘qituvchilarning ijtimoiy tarmoqlarda yoritayotgan noto‘g‘ri fikr-mulohazalari yuzasidan surishtirish ishlarini olib borish;
• talabalarda mavjud ma’naviy boqimandalik kayfiyatini yo‘qotish va ularda o‘z tafakkurini doimiy rivojlantirish ehtiyojini shakllantirish;
• huquqiy tarbiyani amalga oshirish va huquqbuzarlikning oldini olish maqsadida huquq-tartibot idoralari bilan hamkorlikda ishlash;
• mamlakat va xalqaro hayotga oid axborotlarni keng jamoatchilik, pedagog va talabalarga yetkazish tizimini tashkil etish;
• ma’naviy-ma’rifiy masalalarga oid ilmiy, uslubiy va amaliy adabiyotlar, qo‘llanmalar tayyorlash hamda ularni chop ettirish ishlarini yo‘lga qo‘yish;
• gumanitar va ijtimoiy-iqtisodiy fanlar kafedralarining uslubiy va axborot (adabiyot, qo‘llanma va h.k.) ta’minlash, professor-o‘qituvchilar salohiyati va malakasi masalalarini o‘rganish, tahlil qilish, tegishli takliflar tayyorlash;
• gumanitar va ijtimoiy-iqtisodiy fanlardan yakuniy davlat attestatsiyasi komissiyalari tarkibini shakllantirish bo‘yicha tegishli takliflar tayyorlash;
• talabalarning bo‘sh vaqtini mazmunli o‘tkazishni tashkil qilish bo‘yicha ma’naviy-ma’rifiy tadbirlarni amalga oshirish, ijodiy-badiiy, sport-sog‘lomlashtirsh to‘garaklarini tashkil etish;
• OTM sport klublari faoliyatini takomillashtirish, talabalarni sport turlari bo‘yicha tayyorlash, “Universiada” sport musobaqalarida  faol qatnashishlarini ta’minlash;
• OTMda talabalar turar joylarining sharoitlarini unda istiqomat qilayotgan talabalar talablariga har tomonlama javob berishini muntazam nazorat ostiga olish;
• talaba-o‘quvchilar orasida badiiy adabiyot, xususan, O‘zbekistonda mustaqillik yillarida yaratilgan yuksak saviyali badiiy asarlarni o‘qish va o‘rganish ishlariga alohida e’tibor berish. Bu maqsadda badiiy asarlarning eng yaxshi talqini, tahlili va taqrizi uchun maxsus ko‘rik-tanlovlar, kitobxonlar konferensiyalari, muallif va adiblar bilan uchrashuvlar uyushtirish, g‘oliblarni rag‘batlantirish, OTM Axborot-resurs markazini turli badiiy, publitsistik asarlar, ilmiy-ommabop nashrlar bilan boyitib borish;
• OTMning sport-sog‘lomlashtirish va madaniy hordiq chiqarish tizimlarining uzluksiz va sifatli ishlashini ta’minlash masalalarini nazorat qilish;
• kam ta’minlangan, ko‘p bolali oilalardan chiqqan talabalarning moddiy ahvoli haqidagi ma’lumotlarni olish va ularni ijtimoiy muhofaza qilish bo‘yicha muntazam ish olib borish;
• talabalarning ota-onalari, mahalliy hokimiyatlar, xayriya jamg‘armalari, mahallalar bilan fakultetlar va OTMning hamkorlikda olib boradigan ishlarini tashkil etish hamda nazorat qilish;
• ko‘p nusxali va devoriy gazetalarning muntazam chiqishini ta’minlash, ularda OTMda ma’naviy-ma’rifiy masalalar bo‘yicha amalga oshirilayotgan ishlarni doimiy yoritib borish;
• konkurslar,  festivallar, badiiy havaskorlik  to‘garaklari  ko‘riklari va olimpiadalarni muntazam o‘tkazishni tashkil etish;
• respublika, viloyat va shahar miqyosida bo‘ladigan turli jamoat ishlarida, tadbirlarda professor-o‘qituvchi va talabalarning faol ishtirokini ta’minlash;
• ma’naviy-ma’rifiy va tarbiyaviy ishlar yo‘nalishlari hamda ularning samaradorligini oshirish bo‘yicha takliflar kiritish;
• professor-o‘qituvchi va talabalar munosabatida odob-axloq me’yorlari va yuqori saviyada muomala madaniyatini tarkib toptirish;
• akademik litseyning rahbar va pedagog xodimlarining ma’naviyatini yuksaltirib borish, o‘quvchilarning ma’naviy-axloqiy jihatdan yetukligini ta’minlash ishlari va direktorning ma’naviy-ma’rifiy ishlar bo‘yicha o‘rinbosarining faoliyatini muntazam ravishda nazorat qilish;
• OTM xodimlari, talabalarini xorijga yuborish, shuningdek OTMda elchixonalar, xorijiy tashkilotlari hamda xorijiy mamlakatlar vakillari ishtiroki bilan tadbirlarni (seminar, uchrashuv, suhbat va h.k.) o‘rnatilgan tartibda o‘tkazilishini ta’minlash;
• OTM rektori xizmat safarida, ta’tilda bo‘lganda yoki vaqtincha betobligiga ko‘ra ishda bo‘lmagan vaqtlarida ularning vakolati doirasiga kiruvchi vazifalarni bajarib turish vaqtincha yuklatiladi;
• har yilning 1 avgustiga qadar akademik litseyda ta’limning ma’naviy-axloqiy mazmuni takomillashtirishga va o‘quvchi-yoshlar orasida olib boriladigan tarbiyaviy tadbirlar natijadorligini oshirishga yo‘naltirilgan kompleks chora-tadbirlarni ishlab chiqilishi hamda o‘rnatilgan tartibda tasdiqlanishini ta’minlash;
• O‘zbekiston Respublikasi Vazirlar Mahkamasining 1999 yil 12 yanvardagi 12-sonli “Ijro intizomini mustahkamlash chora-tadbirlari to‘g‘risida”gi qaroriga muvofiq ijro intizomiga, mehnat va o‘quv intizomiga, mehnatni muhofaza qilish, xavfsizlik texnikasi va ishlab chiqarish sanitariyasiga doir qoidalar, OTMning Ustavi, Ichki mehnat tartibi qoidalari, Kengash qarorlari, ish beruvchi buyruqlari hamda ta’lim tizimiga doir me’yoriy-huquqiy hujjatlarda qo‘yilgan maqsad va vazifalarga, shuningdek, o‘z xizmat vazifalariga rioya etish.