Zaitov Adilbek Ataxanovich

Matematika va tabiiy fanlar kafedrasi

Zaitov Adilbek Ataxanovich

Fizika-matematika fanlari doktori, professor

Kafedra mudiri

a.zaitov@taqu.uz

14:00 & 16:00

100194, Toshkent shahar, Yunusobod tuman, Yangishahar ko'chasi, 9A-uy

Kafedra 1929-yilda O‘rta Osiyo paxtachilik industrial instituti (keyinchalik Toshkent davlat politexnika instituti) tarkibida tashkil qilingan. Oʻtgan yillar mobaynida “Oliy matematika”, keyinchalik “1-oliy matematika” kafedrasiga prof. A. A. Topornin, prof. V. Antonovskiy, birinchi oʻzbek ayollaridan chiqqan fan doktori, sobiq Oʻzbekiston Oliy Soveti deputati, professor M. A. Arifxonova, professor Yo. U. Soatovlar mudirlik qilishgan. “Fizika” kafedrasini Oʻzbekiston Fanlar Akademiyasining muxbir aʼzosi, professor G. U. Umarov, dotsent D. D. Mirkomilov, dotsent A. S. Noʻmonxoʻjayevlar boshqarishgan.

1991-yilda Toshkent arxitektura-qurilish instituti tashkil etilishi bilan kafedra “Oliy va amaliy matematika” deb nomlangan. 2006 yilda “Oliy va amaliy matematika” va “Fizika” kafedralari birlashtirildi va yangi kafedra “Matematika va tabiiy fanlar” kafedrasi deb nomlandi. 2023-yilning avgust oyidan 2024-yilning avgust oyigacha “Matematika va tabiiy fanlar”, “Muhandislik grafikasi va kompyuterda loyihalash” va “Axborot texnologiyalari” kafedralari birlashtirilib, “Raqamli texnologiyalar” kafedrasi sifatida faoliyat yuritdi. 2024-yil avgust oyidan “Matematika va tabiiy fanlar” kafedrasi o‘z faoliyatini davom ettirdi.

Toshkent arxitektura-qurilish instituti tashkil etilgandan keyin “Oliy va amaliy matematika” kafedrasini 1991-1997 yillarda texnika fanlari doktori, professor Yo.U.Soatov, 1997-2006 yillarda fizika-matematika fanlari nomzodi, dotsent A.Abduraximov, “Fizika” kafedrasini 1997-2006 yillarda texnika fanlari nomzodi, dotsent A.No‘monxo‘jayev, bu ikkita kafedra qo‘shilib, “Matematika va tabiiy fanlar” kafedrasi tashkil etilgach, 2006-2008-yillarda fizika-matematika fanlari nomzodi, dotsent A.Abduraximov, 2008-2010 yillarda fizika-matematika fanlari nomzodi M.Mamatqulov, 2010-2011 yillarda fizika-matematika fanlari doktori Yo.M.Xusanboyev, 2011-2012 yillarda texnika fanlari nomzodi, dotsent Sh.R.Xurramov, 2012-2015 yillarda fizika-matematika fanlari doktori, dotsent A.A.Zaitov, 2015-2017 yillarda fizika-matematika fanlari doktori, dotsent A.Kuchkarov, 2017-2018 yillarda texnika fanlari nomzodi, dotsent Sh.R.Xurramov, 2018-2023 yillarda fizika-matematika fanlari doktori, professor A.A.Zaitov, 2023-2024 yillarda “Raqamli texnologiya” kafedrasini fizika-matematika fanlari nomzodi A.Fazilov boshqargan. Hozirgi vaqtda “Matematika va tabiiy fanlar” kafedrasiga fizika-matematika fanlari doktori, professor A.A.Zaitov mudirlik qilmoqda.

1. Kafedraning asosiy vazifalari

Oliy ta’lim uchun tasdiqlangan Davlat ta’lim standartlarini bajaradi; kasbiy va akademik malakaga ega mutaxassislar tayyorlashni ta’minlaydi; o‘quv-metodik faoliyatni amalga oshiradi; zamonaviy ta’lim texnologiyalarini joriy etadi; ilmiy-tadqiqot va innovatsion loyihalarni amalga oshiradi.

2. Kafedraning funksiyalari

Kafedra o‘ziga yuklatilgan vazifalarni amalga oshirishda quyidagi funksiyalarni bajaradi:

a) O‘quv va o‘quv-uslubiy faoliyat bo‘yicha:

yuqori malakali raqobatbardosh kadrlarni tayyorlash; o‘quv rejalar va o‘quv dasturlarini ishlab chiqish, ularni belgilangan tartibda tasdiqqa taqdim etish; fanlar bo‘yicha belgilangan mashg‘ulot turlarini yuksak nazariy, ilmiy-uslubiy va kasbiy darajada o‘tkazish; zamonaviy pedagogik va axborot-kommunikatsiya texnologiyalarini joriy etish; talabalarning mustaqil ta’limini samarali tashkil etish; ochiq ma’ruzalar orqali tajribali o‘qituvchilar faoliyatini ommalashtirish; kafedrada o‘qitiladigan fanlardan laboratoriya ishlarini to‘liq va sifatli o‘tkazilishini ta’minlash; joriy, orqaliq va yakuniy nazoratlarni o‘tkazishda ishtirok etish; o‘quv jarayoni sifatini ta’minlash bo‘yicha o‘quv-uslubiy ishlarni takomillashtirish; darslik, o‘quv, uslubiy va ko‘rgazmali qo‘llanmalar, didaktik materiallar, vizual vositalarni tayyorlash.

b) Ilmiy-tadqiqot faoliyati bo‘yicha:

Iqtidorli talabalarni tadqiqotlarga jalb etish, ularga uslubiy jihatdan ko‘maklashish; professor va dotsent unvonlarini berish uchun taklif kiritish; ilmiy, ijtimoiy-iqtisodiy sohalarni rivojlantirishga qaratilgan dolzarb mavzular bo‘yicha tadqiqotlarni amalga oshirishni tashkil etish; tugallangan ilmiy-tadqiqot ishlarini muhokama etish, nashr etishga tavsiya berish.