O‘zbek va xorijiy tillar kafedrasi
Zakirova Xilola Abduraxmanovna
O'zbek
va xorijiy tillar” kafedrasi ТАQU tarkibida 1991-yil tuzilgan, kafedra 1991-yilga
qadar Toshkent politexnika instituti tarkibida faoliyat ko’rsatib kelgan.
Toshkent arxitektura-qurilish instituti Kengashining
2020 yil 8 iyuldagi 7-sonli majlisida qabul qilingan qarorlar ijrosini
ta’minlash maqsadida, 21 avgust №384-sonli buyrug’I bilan “Jismoniy tarbiya va
psixologiya” kafedrasi bazasida tashkil etilayotgan “Oʻzbek tili va adabiyoti”
kafedrasiga buyruqning 2-ilovasida ismi-shariflari keltirilgan kafedraning
oʻzbek tili fanidan dars beradigan professor-oʻqituchilar: dotsent J.I.Xolmuratova,
katta oʻqituvchi B.X.Abdulxayrov, assistent R.Sh.Turdibekovalar pedagog
xodimlar oʻtkazilishi munosabati bilan “Oʻzbek va xorijiy tillar” kafedrasida
oʻtiladigan fanlardan kelib chiqib kafedra nomi
“Xorijiy tillar” deb nomlandi. 22-avgust 2023 yil №226-sonli Toshkent arxitektura qurilish
universitetining tashkiliy tuzilmasida belgilangan fakultetlar uchun
kafedralarning tashkiliy tuzilmasini tasdiqlash tog`risidagi buyruq asosida
“Xorijiy tillar” kafedrasi “Dunyo tillari” kafedrasi deb nomlandi.
18-avgust 2025 yil №306-sonli Universitet kafedralari
faoliyatini optimallashtirish to`g`risidagi buyruq bilan kafedra nomi “O`zbek
va xorijiy tillar”ga o`zgartirildi.
1991-2012 yillar mobaynida f.f.n., professor М.B.Niyazova, 2012 yil dotsent М.U.Jo'rayeva, 2013-2016 yillarda f.f.n. dotsent N.M.O'rmonova, 2016-2019 yillarda dotsent М.М.Qambarova, 2019-2023 yillarda dotsent Z.A.Utemuratova kafedra mudiri lavozimida faoloyat olib borganlar.
2023-yil avgust oyidan hozirgi kunga qadar dotsent X.A.Zakirova “O’zbek va xorijiy tillar” kafedrasiga rahbarlik qilib kelmoqda.
“O‘zbek
va xorijiy tillar” kafedrasida bugungi kunda 1 nafar professor, 1 nafar
profesor v.b., 3 nafar fan nomzodi dotsentlar, 4 nafar dotsentlar, 10 nafar
dotsent v.b., 11 nafar katta o’qituvchi, 10 nafar assistent faoliyat ko’rsatib
kelmoqdalar. Ushbu
professor-o‘qituvchilar tomonidan hozirgi kungacha Xorijiy ingliz tili, Amaliy
ingliz tili, Rus tili, O’zbek tili va uni sohada qo’llanishi, Falsafa,
Dinshunoslik, O’zbekistonning eng yangi tarixi, Jismoniy madaniyat va sport
kabi umumiy 23 ta fanlardan ta’lim berib kelishmoqda. Kafedrada o’quv jarayoni
zamonaviy darslik va o’quv adabiyotlari bilan ta`minlangan. So’nggi uch yilda
fanlardan 15 dan ortiq darslik, 40 dan ortiq o’quv qo’llanmalar, 8 ta
monografiyalar nashr etildi. Kafedra professor-o‘qituvchilari tomonidan
o’qitiladigan barcha fanlardan o’quv uslubiy majmualar yaratilib, o’quv
jarayoniga joriy qilindi va elektron adabiyot shaklida talabalarga yetkazildi.
Kafedraning
ustuvor vazifalari qatoriga ilmiy salohiyatni oshirish, ilmiy darajali
professor-o‘qituvchilar ulushini oshirish, doktorantura va mustaqil
izlanuvchilik asosida rivojlantirish kiradi. Ilmiy faoliyat doirasida
respublika va xalqaro ilmiy jurnallarda maqolalar chop etish, Scopus, Web of
Science, Science Direct bazalariga kiritilgan nashrlarda faol ishtirok etish,
xalqaro konferensiyalarda ilmiy natijalarni taqdim etish izchil amalga
oshirilmoqda.
Kafedra
faoliyatida xalqaro hamkorlik alohida o‘rin tutadi. Malayziya, Yaponiya, Xitoy,
Turkiya, Ozarbayjon, Germaniya va boshqa davlatlarning yetakchi oliy ta’lim
muassasalari bilan ilmiy-ta’limiy aloqalar yo‘lga qo‘yilgan. Akademik almashinuv, qo‘shma loyihalar,
grantlar, monografiyalar, darsliklar va o‘quv qo‘llanmalar yaratish
yo‘nalishlari bo‘yicha tizimli ishlar olib borilmoqda.
Innovatsion rivojlanish doirasida kafedra huzurida “Texnik tarjima va qurilish terminologiyasi markazi”ni tashkil etish rejalashtirilgan. Mazkur markaz texnik tarjima, sohaviy terminologiya bazalari, ko‘p tilli ilmiy-texnik resurslar, lug’atlarini yaratish ishlari yo’lga qo’yildi.
Talabalar bilan ishlash kafedra faoliyatining muhim yo‘nalishlaridan biridir. Iqtidorli talabalarni xalqaro loyihalar, akademik almashinuv dasturlari, yozgi, qishki maktablar, xalqaro konferensiyalar, ilmiy nashrlar va tanlovlarga tayyorlash yo‘lga qo‘yilgan. “Ustoz-shogird” tizimi asosida talabalar ilmiy-tadqiqot faoliyatiga keng jalb etilib, ularning akademik va kasbiy kompetensiyalarini rivojlantirishga alohida e’tibor qaratilmoqda.