Tadbirda Suv xo‘jaligi vazirligi, Kosmik tadqiqotlar agentligi, loyiha institutlari, oliy ta’lim muassasalari, “O‘zbekgidroenergo” AJ va boshqa soha tashkilotlari vakillari ishtirok etdi. Unda Toshkent arxitektura-qurilish universitetining  “Gidrotexnika va geotexnika muhandisligi” kafedrasi mudiri t.f.n. Toshxo‘jaev Alisher Ulxo‘jayevich, professor Fayziyev Xomitxon va dotsent Mirzayev Asqar Akramovich ham qatnashdilar. Seminarda “O‘zbekgidroenergo” AJ bo‘lim boshlig‘i A. Fozilov so‘zga chiqib, sohada amalga oshirilayotgan islohotlar haqida axborot berdi. Seminar raqamli texnologiyalarni joriy etish, mutaxassislar malakasini oshirish va tajriba almashish maqsadida tashkil etildi. Ishtirokchilar Andijon suv omborida olib borilgan avtomatlashtirish, gidromexanik uskuna va drenaj nasos stansiyasining rekonstruksiya ishlari, nazorat-olchov vositalari, lokal ogohlantirish tizimi va dispetcherlik markazi faoliyati bilan tanishdilar. Tadbir barcha ishtirokchilarda katta taassurot qoldirdi. Ular bunday tajribani boshqa suv omborlariga ham joriy etish zarurligini ta’kidlashdi.