“Dolzarb 90 kun” loyihasi doirasida o‘tkazilayotgan “Bir talabaga – bir loyiha” o‘quv akseleratsiya dasturida Toshkent arxitektura-qurilish universiteti talabalari innovatsion g‘oyalarga asoslangan loyihalarini taqdim etdilar.

Arxitektura fakulteti 3-21Ao‘ guruh talabasi Xamroyeva M.A. “Toshkent viloyati, Oxangaron tumani uchun chiqindilarni qayta ishlash korxonasi loyihasi” mavzusida taqdimot o‘tkazdi. Unda tumanning iqlimi va demografik sharoitlaridan kelib chiqib, zamonaviy texnologiyalar asosidagi korxona loyihasi haqida ma’lumot berildi.

Shuningdek, talaba Xolbekov A.O. “Toshkent viloyati uchun chiqindilarni qayta ishlash korxonasi” loyihasi bilan ishtirok etdi va o‘z ishlanmasini universitet professor-o‘qituvchilari hamda talabalariga taqdim etdi.

Taqdimotlarda ishtirokchilar tomonidan loyiha yuzasidan taklif va fikrlar bildirildi.