Toshkent arxitektura-qurilish universiteti Menejment fakulteti "Shahar infratuzilmasi" kafedrasi bakalavriat bosqichi talabalari "Shahar qurilishi hamda kommunal infratuzilmani tashkil etish va boshqarish" ta’lim yo‘nalishi bo‘yicha bitiruv malakaviy ishlarini "O‘zshaharsozlikLITI" davlat muassasasi bazasida muvaffaqiyatli himoya qildilar.

Mazkur himoya universitetning malakali professor-o‘qituvchilari, ilmiy rahbarlar, sohaga aloqador mutaxassislar hamda kafedra vakillaridan iborat komissiya a’zolari ishtirokida tashkil etildi. Talabalar o‘z bitiruv loyihalarida zamonaviy arxitektura, shaharsozlik, barqaror rivojlanish, yo‘l muhandisligi hamda innovatsion yondashuvlarga asoslangan konsepsiyalarni taqdim etdilar.

Har bir loyiha komissiya a’zolari tomonidan dolzarbligi, ilmiy-innovatsion yangiligi va amaliy ahamiyati nuqtai nazaridan batafsil tahlil qilindi. Himoya jarayonida talabalar o‘zlarining nazariy bilimlari va amaliy ko‘nikmalarini namoyon etib, mustaqil tadqiqot olib borish va muammolarga samarali yechimlar ishlab chiqish borasidagi salohiyatlarini isbotladilar.