1-dekabr — OITS kasalligiga qarshi kurashish kuni munosabati bilan Toshkent arxitektura-qurilish universitetida “Biz OITSGA qarshimiz” shiori ostida profilaktik tadbirlar tashkil etildi.

Mazkur tadbirlarda universitet psixologi M. Obidova, universitet shifokori J. Begiyev, hamshira D. Muhamedova, tyutorlar D. Islamxadjayeva, S. Nasirova, G. Yernazarova hamda “Arxitektura” va “Qurilish” fakultetlarining 1–2-kurs talabalari ishtirok etdilar.

Tadbir davomida talabalar o‘rtasida “OITS kasalligining kelib chiqishi, tarixi, yuqish yo‘llari va himoyalanish choralari” mavzusida davra suhbati o‘tkazildi. Universitet shifokori J. Begiyev so‘zga chiqib, dunyo miqyosida xavotir uyg‘otayotgan OITS (SPID) kasalligining kelib chiqish sabablari, uning yuqish yo‘llari, oqibatlari hamda ushbu kasallikdan himoyalanish vositalari haqida batafsil ma’lumot berdi.