Uchrashuvlar davomida talabalarga xalqaro yozgi maktablarda ishtirok etish tartibi, xorijiy oliy ta’lim muassasalari bilan hamkorlikda amalga oshirilayotgan ta’lim dasturlari hamda xalqaro tajriba almashish imkoniyatlari haqida ma’lumot berildi.
Shuningdek, talabalarning xalqaro akademik mobilligini kengaytirish, xorijiy universitetlar bilan hamkorlikni rivojlantirish va zamonaviy shaharsozlik hamda muhandislik sohalaridagi ilg‘or tajribalarni o‘rganish masalalariga alohida e’tibor qaratildi.
Ishchi guruh a’zolari S. Mardov, U. Inoyatov va X. Xolov talabalar bilan muloqot davomida ularning savollariga javob berib, xalqaro yozgi maktablarda ishtirok etish va mavjud imkoniyatlardan foydalanish yuzasidan tushuntirishlar berdilar.