Toshkent arxitektura-qurilish universitetining Menejment va Arxitektura fakulteti talabalari o‘rtasida “Giyohvandlik moddalari, psixotrop dori vositalarining noqonuniy muomalasi va diniy ekstremistik oqim g‘oyalari ta’siriga tushib qolish holatlarini oldini olish” bo‘yicha davra suhbati boʻlib oʻtdi.  

Unda O‘zbekiston Respublikasi IIV Akademiyasi magistraturasi tinglovchilari, podpolkovnik M.R.Ma’murov, podpolkovnik E.E.Yusupovich, Yunusobod tumani IIO FMB 4-sonli IIB HPB profilaktika katta inspektori mayor A.K.Shodiyev, prorektor S.Mardov, Menejment va Arxitektura fakulteti talabalari ishtirok etdilar.

M.R.Ma’murov so‘zga chiqib – hozirgi kunda, Mamalakatimizda olib borilayotgan islohotlarning asosiy ko‘zlangan maqsadi, fuqarolarning yashash sharoitlarini yaxshilash, ijtimoiy iqtisodiy salohiyatni yangi marralarga olib chiqish, aholi o‘rtasida jinoyat va huquqbuzarliklarni oldini olishlik uchun, davlatimiz raxbari tomonidan qator qaror va farmonlar qabul qilinayotganligi e’tiborga molik holat ekanligini, huquqni muxofaza qiluvchi organlar tomonidan mazkur qaror va farmonga asosan, aholi o‘rtasida huquqbuzarlik jinoyatlarni oldini olish bo‘yicha qator ishlar amalga oshirilayotganligini ma’lum qildi.

Uchrashuvda talaba yoshlarga, “Diniy ekstremiz va terrorizmni oldini olish” bo‘yicha bir qator tushunchalar berilganligini, ushbu jinoyat o‘ta og‘ir jinoyatlar turkumiga kirishligini, mazkur jinoyatni sodir etganlarning ayanchli holatlari haqida so‘z yuritilib, giyohvandlik va terrorizmga qarshi kurashish bo‘yicha, O‘zbekiston Respublikasi IIV Jamoat xavfsizligi deportamenti tomonidan ishlab chiqilgan videorolik namoyish etildi.

Shuningdek, yig‘ilish davomida E.Yu.Ergashev va M.R.Ma’murovlar tomonidan talaba-yoshlarning savollariga javoblar berilib, bu kabi jinoyat sodir etmasliklari, narkotik moddalari bilan holat vujudga kelganda, huquqni muxofaza qiluvchi organlarga tezkorlik bilan ma’lumot berishlari to‘g‘risida tushuntirib o‘tildi.