Toshkent arxitektura-qurilish universitetida talabalarning amaliy mahoratini oshirishga qaratilgan haykaltaroshlik va tasviriy san’at to‘garaklari o‘z faoliyatini qizg‘in davom ettirmoqda.

Arxitektura va dizayn yo‘nalishi talabalari uchun hajmli-fazoviy fikrlash hamda materiallar bilan ishlash birinchi galdagi kasbiy ko‘nikmadir. Tajribali professor-o‘qituvchilar rahbarligida o‘tayotgan mashg‘ulotlarda yoshlar:

Klassik va zamonaviy haykallar, fasad bezaklari hamda relyeflarni;

Park va favvoralar uchun kichik me’moriy shakllarni loyihalashni;

Loy va gips orqali bino hamda haykalning o‘zaro mutanosibligini (mashtab, simmetriya, dinamika) amalda his etishni o‘rganishmoqda.

To‘garak mashg‘ulotlari talabalarning ijodiy salohiyatini charxlab, ularni kelajakning yetuk arxitektor va dizaynerlari bo‘lib yetishishlarida xizmat qiladi.

Kelajak me’morchiligi — san’at va mahorat birlashgan joyda yaratiladi!