Namangan muhandislik-texnologiya institutining Qurilish fakultetida “Arxitektura, qurilish va muhandislik sohalarida zamonaviy qurilish materiallari va texnologiyalari” mavzusiga bag‘ishlangan xalqaro ilmiy-amaliy konferensiya bo‘lib o‘tdi. Tadbirda Toshkent arxitektura-qurilish universiteti Arxitektura fakulteti dekani dotsent A.Xasanov ham o'z maruzasi bilan ishtirok etib, qurilish sohasida zamonaviy yondashuvlar va innovatsion texnologiyalarni joriy etish borasidagi fikr-mulohazalarini bildirdi. Konferensiya doirasida ishtirokchilar qurilish materiallari va texnologiyalari sohasidagi so‘nggi yutuqlar bilan tanishdilar, tajriba almashishdi hamda istiqboldagi hamkorlik yo‘nalishlarini muhokama qilishdi.