Toshkent arxitektura-qurilish universitetida “Gidrotexnika va geotexnika muhandisligi” kafedrasi tomonidan “Seysmik va murakkab grunt sharoitlarida zamonaviy usullar” mavzusida xalqaro ilmiy-amaliy anjuman tashkil etildi.

Tadbirda xorijiy va mahalliy mutaxassislar o‘z ma’ruzalari bilan ishtirok etdilar. Jumladan, Moskva davlat qurilish universiteti dotsenti Dmitriy Yuryevich Chunyuk qoziqli poydevorlarni o‘rnatishning zamonaviy usullari haqida ma’ruza qildi.

Anjuman yakunida ishtirokchilar “Gidrotexnika va geotexnika muhandisligi” kafedrasining zamonaviy laboratoriyalari faoliyati bilan tanishtirildi. Tadbir so‘ngida qatnashchilarga sertifikatlar topshirildi.